Varun Gandhi : વરુણ ગાંધીનું રાજકીય ભાવિ નક્કી, કોંગ્રેસ નહીં હવે આ પાર્ટીમાં જોડાશે

Varun Gandhi : ભાજપના સાંસદ વરુણ ગાંધીના કોંગ્રેસમાં જોડાવાની શક્યતા ઓછી થઈ ગઈ છે, પરંતુ આ સાથે જ તેમના સમાજવાદી પાર્ટીમાં જોડાવાની ચર્ચાએ જોર પકડ્યું છે.

Varun Gandhi : ભારતીય જનતા પાર્ટી તરફથી પીલીભીતના સાંસદ વરુણ ગાંધીના રાજકીય ભવિષ્ય અંગે હાલ અનેક તર્ક-વિતર્ક ચાલી રહ્યા છે. વરુણ ગાંધી પોતાની જ પાર્ટી સામે અવાજ ઉઠાવી રહ્યા છે. જે વચ્ચે વરુણ ગાંધી કોંગ્રેસમાં જોડાવાની ચર્ચા ચાલી રહી છે. હવે તેની સંભાવના ઓછી છે, પણ હવે તેઓ સમાજવાદી પાર્ટીના જોડાય તેવી ચર્ચાએ જોર પકડ્યું છે.

વરુણ ગાંધી પાસે છે સપામાં જોડાવાનો વિકલ્પ

ઉત્તર પ્રદેશના પીલીભીતના સાંસદ વરુણ ગાંધી પાસે સમાજવાદી પાર્ટીમાં જોડાવાનો વિકલ્પ છે અને એવી અટકળો ચાલી રહી છે કે, તેઓ સપામાં જોડાઈ શકે છે. જોકે, ગયા વર્ષે ઉત્તર પ્રદેશ વિધાનસભા ચૂંટણી દરમિયાન આવી જ અટકળો કરવામાં આવી રહી હતી, પરંતુ તે પછી વરુણ ગાંધી સમાજવાદી સાથે જોડાયા ન હતા.

સપામાં જોડાવાની ચર્ચાના 2 કારણો

બે કારણોસર વરુણ ગાંધી ફરી એકવાર સમાજવાદી પાર્ટીમાં જોડાવાની અટકળોએ જોર પકડ્યું છે. પહેલું કારણ એ છે કે, તાજેતરમાં વરુણ ગાંધીએ અખિલેશ યાદવના વખાણ કર્યા હતા.

બીજી તરફ બીજું કારણ શિવપાલ યાદવનું નિવેદન છે, જેમાં તેમણે જણાવ્યું હતું કે, ભ્રષ્ટ ભાજપ સરકારને હટાવવા માટે જે પણ આવવા માંગે છે, તેમનું સ્વાગત છે.

સતત ભાજપ વિરુદ્ધ બોલે છે વરુણ ગાંધી

ઉલ્લેખનીય છે કે, વરુણ ગાંધીએ પોતાની જ પાર્ટી વિરુદ્ધ બોલવાનું ચાલુ રાખ્યું છે અને બેરોજગારી, ખેડૂતો અને અન્ય ઘણા મુદ્દાઓ પર પોતાનો અવાજ ઉઠાવીને ભાજપ સરકારને ઘેરવાનો પ્રયાસ કર્યો છે. જોકે, તેમ છતાં ભારતીય જનતા પાર્ટી આ બાબતોને ગંભીરતાથી લેતી નથી.

મેનકા ગાંધીએ કરી મુખ્યમંત્રી યોગી સાથે મુલાકાત

વરુણ ગાંધી ભલે તેમની પાર્ટી વિરુદ્ધ હુમલાખોર હોય, પરંતુ તેમની માતા અને ભાજપ સાંસદ મેનકા ગાંધી હંમેશા તેમની પાર્ટી સાથે ઉભા રહ્યા છે. તાજેતરમાં મેનકા ગાંધી ઉત્તર પ્રદેશના મુખ્યમંત્રી યોગી આદિત્યનાથને મળ્યા હતા. આ દરમિયાન સુલતાનપુરના તમામ ધારાસભ્યો પણ બેઠકમાં હાજર હતા.

English summary

Varun Gandhi's political future is decided, he can join this party, not Congress?