Video : કરણી સેનાના અધ્યક્ષ સુખવેદ સિંહ ગોગામેડીની ગોળીઓથી વીંધીને હત્યા, CCTV સામે આવ્યા
રાજસ્થાનમાં ચૂંટણી પુરી થતા જ હત્યાની ઘટના સામે આવી છે. જયપુરમાં રાષ્ટ્રીય રાજપૂત કરણી સેનાના પ્રમુખ સુખદેવ સિંહ ગોગામેડીની ગોળી મારીને હત્યા કરવામાં આવી છે.
આ પુરી ઘટના સીસીટીવી કેમરામાં કેદ થઈ છે. હવે આ વીડિયો ઝડપથી સોશિયલ મીડિયા પર વાયરલ થઈ રહ્યો છે.
સુખદેવ સિંહ ગોગામેડીની હત્યાના આ CCTV ફૂટેજમાં જોઈ શકાય છે કે સુખદેવ સિંહ ગોગામેડી પોતાના ઘરે સોફા પર બેઠા બેઠા મોબાઈલનો ઉપયોગ કરી રહ્યા છે. તેની સામેના સોફા પર બીજા બે યુવકો પણ બેઠા છે. નજીકમાં એક વ્યક્તિ ઉભો છે. ચોથો માણસ પણ તેમની નજીકના સોફા પર બેઠો છે.
સુખદેવસિંહ ગોગામેડી સામેના સોફા પર બેઠેલા બદમાશો જે નિર્ભય રીતે ગુનો આચરે છે તે જોઈને લાગે છે કે તેઓ કદાચ પરિચિત હશે. આ દરમિયાન સફેદ શર્ટ પહેરેલો એક યુવક સોફા પરથી ઊભો થાય છે અને તેના મોબાઇલ ફોનમાં વ્યસ્ત રહેતા સુખદેવ સિંહ ગોગામેડી પર ફાયરિંગ શરૂ કરે છે.
આ દરમિયાન તેની સાથે આવેલો યુવક પણ ઉભો થઈ જાય છે અને ફાયરિંગ શરૂ કરી દે છે. સુખદેવસિંહ ગોગામેડીના ગાર્ડને પણ ગોળી વાગી છે.
ત્રણથી ચાર ગોળી વાગતાની સાથે જ સુખદેવસિંહ ગોગામેડી સોફા પરથી ફર્શ પર પડી જાય છે. બદમાશોએ કુલ 3 વ્યક્તિ પર પણ ફાયરિંગ કર્યું અને માત્ર 21 સેકન્ડમાં હત્યા કરીને ફરાર થઈ ગયા.
અહેવાલો અનુસાર, ભાગતી વખતે બદમાશોએ રસ્તામાં એક કાર લૂંટવાનો પ્રયાસ કર્યો. ત્યારબાદ તેઓ એક યુવક પાસેથી સ્કૂટર લૂંટીને તેના પર સવાર થઈને ભાગી ગયા હતા. માહિતી મળ્યા બાદ જયપુર પોલીસ ઘટનાસ્થળે પહોંચી. પોલીસે જયપુરમાં નાકાબંધી કરી દીધી છે.
करनी सेना के प्रमुख सुखदेव सिंह गोगामेड़ी की हत्या का सीसीटीवी फ़ुटेज pic.twitter.com/TeqM6DsLzs
— Umashankar Singh उमाशंकर सिंह (@umashankarsingh) December 5, 2023
બીજી તરફ લોરેન્સ ગેંગે સુખદેવસિંહ ગોગામેડીની હત્યાની જવાબદારી લીધી છે. રોહિત ગોદારા કપુરીસરના નામે ફેસબુક પર પોસ્ટ કરી છે કે, રોહિત ગોદારા અને ગોલ્ડી બ્રાર વગેરેએ સુખદેવસિંહ ગોગામેડીની હત્યા કરી છે. હત્યાનું કારણ દુશ્મનોનું સમર્થન હોવાનું કહેવાય છે.
જણાવી દઈએ કે, સુખદેવ સિંહ ગોગામેડી મૂળ રાજસ્થાનના હનુમાનગઢ જિલ્લાના ગોગામેડીના રહેવાસી હતા. હાલ જયપુરમાં પરિવાર સાથે રહે છે. તે લાંબા સમયથી કરણી સેના સાથે જોડાયેલા હતા. હાલ શ્રી રાષ્ટ્રીય રાજપૂત કરણી સેનાના પ્રમુખ પદ પર હતા.
Click it and Unblock the Notifications
Sign in with Google
