પ્રેમી સાથે મહિલાને લોકોએ રસ્સીથી બાંધીને આખા ગામમાં ઢસડી, છોડવાની આજીજી કરતો રહ્યો માસૂમ
બિહારના કટિહાર જિલ્લાના પ્રાણપુર પોલિસ સ્ટેશન ક્ષેત્રમાં માનવતાને શરમમાં મૂકી દેતો કિસ્સો પ્રકાશમાં આવ્યો છે.
કટિહારઃ બિહારના કટિહાર જિલ્લાના પ્રાણપુર પોલિસ સ્ટેશન ક્ષેત્રમાં માનવતાને શરમમાં મૂકી દેતો કિસ્સો પ્રકાશમાં આવ્યો છે જ્યાં સ્થાનિક લોકોએ એક મહિલાને તેના પ્રેમી સાથે વાંધાજનક સ્થિતિમાં જોઈ લીધા બાદ પ્રેમીને બંધક બનાવીને આખી રાત માર્યો અને મહિલાને રસ્સીથી બાંધીને આખા ગામમાં ઢસડતા રહ્યા. જો કે ઘટનાની માહિતી પોલિસને ઘણી વાર પછી મળી. સ્થાનિક લોકોએ મહિલા પર 25 હજારનો દંડ કરીને તેને જીવતી છોડી. જ્યારે સ્થાનિક લોકો મહિલા સાથે આવો દુર્વ્યવહાર કરી રહ્યા હતા ત્યારે તેના બંને માસૂમ બાળકો પોતાના માના જીવની ભીખ માંગતા રહ્યા.
પહેલાથી ઘાત લગાવીને બેઠા હતા ગામ લોકો
મામલાની માહિતી પોલિસને ત્યારે થઈ જ્યારે ઘટનાનો વીડિયો વાયરલ થયો. વળી, આ મામલા વિશે કટિહારના એસડીપીઓ અમરકાંત ઝાએ જણાવ્યુ કે 15 નામજદ અને 25 અજ્ઞાત લોકો પર કેસ નોંધવામાં આવ્યો છે. પ્રાણપુર પોલિસ સ્ટેશન ક્ષેત્રના રહાર ગામમાં લોકોએ મંગળવારની મોડી રાતે મહિલાના પ્રેમીને રંગે હાથ પકડ્યો હતો. પ્રેમીના આવવાની રાહમાં ગામના અમુક લોકો પહેલેથી જ ઘાત લગાવીને બેઠા હતા.
પોલિસને કાનોકાન ન મળી ખબર
પ્રેમી જેવો રહાર ગામમાં ઘૂસ્યો એવો રાતે 1 વાગે લોકોએ તેને પકડ્યો. ત્યારબાદ તેની જોરદાર પિટાઈ કરી ત્યારબાદ પ્રેનીના પરિવારજનો ગામમાં પહોંચ્યા. વિસ્તારમાં આગની જેમ વાત ફેલાઈ ગઈ પરંતુ પ્રાણપુર પોલિસ સ્ટેશનને કાનોકાન આની ભનક ન લાગી.
મહિલાની દુર્ગતિ થવા સુધી કરતા રહ્યા દુર્વ્યવહાર
આ તરફ મહિલા સાથે ગામ લોકોએ હદ કરી દીધી. સેંકડોની સંખ્યામાં ગામ લોકોએ તેને રસ્સીથી બાંધી જકડી લીધી. ત્યારબાદ તેને આખા ગામમાં ઢસડતા રહ્યા. આવી ભૂલ ફરીથી ના થાય એ માટે તેને માફી માંગવાનુ કહેતા રહ્યા. આ દરમિયાન મહિલાના બે બાળકો વારંવાર પોતાની માને વળગી રહ્ય હતા. પોતાની માને છોડવા માટે કહી રહ્યા હતા પરંતુ ગામ લોકોએ તેની એક ના સાંભળી. તેમણે ત્યાં સુધી મહિલાને ઢસડી જ્યાં સુધી હાલત ખરાબ ન થઈ ગઈ.