રાજસ્થાનના રણમાં ફાઇનલઃ 4 વાગ્યા સુધી 60 ટકા મતદાન
જયપુર, 1 ડિસેમ્બરઃ રાજસ્થાનના રણમાં આજે ફાઇનલ મેચ છે. 199 વિધાનસભાની બેઠકો માટે મતદાન શરૂ થઇ ગયું છે. ચૂંટણી માટે સવારે 8 વાગ્યાથી મતદાન શરૂ થઇ ગયું છે. 14મી રાજસ્થાન વિધાનસભાની ચૂંટણી માટે આજે મતદાન કરવામાં આવી રહ્યું છે. સવારથી લોકોની લાઇન લાગી ગઇ છે. સુરક્ષા વ્યવસ્થાને ચુસ્ત બનાવવામાં આવી છે.
બપોરે 4 વાગ્યા સુધીઃ બપોરે ચાર વાગ્યા સુધી 60 ટકા મતદાન થયુ છે. હજુ પણ પોલિંગ બુથો પર મતાદાતાઓની લાંબી લાંબી કતાર જોઇ શકાય છે.
બપોરે 12 વાગ્યા સુધીઃ મતદાન કેન્દ્રો પર ટોળાની ભીડ જોવા મળી રહી છે. બપેરો 12 વાગ્યા સુધી 25 ટકા વોટિંગ કરવામાં આવ્યું છે. ભાજપના વસુંધરા રાજે અને કોંગ્રેસી અશોક ગેહલોતે પણ મતદાન કર્યું છે.
બીજી તરફ આયોગ તરફથી સંવેદનશીલ પોલિંગ બુથો પર વીડિયો કોંફ્રેસિંગની વ્યવસ્થા કરવામાં આવી છે. દેખરેખ રાખવા માટે ભારે સુરક્ષા દળોને તેનાત કરી દેવામાં આવ્યા છે. આંકડાઓ પર નજર ફેરવીએ તો રાજ્યમાં 47 હજાર 223 મતદાન કેન્દ્રો પર 4 કરોડ 8 લાખ 29 હજાર 30 મતદાતાઓ આજે પોતના મતનો ઉપયોગ કરશે. જેમાં 2 કરોડ 14 લાખ 50 હજાર 208 પુરુષ અને 1 કરોડ 92 લાખ 75 હજાર 918 મહિલા મતદારો છે. રાજ્યમાં કુલ 1 લાખ 3 હજાર 171 સર્વિસ વોટર્સ છે, જેમાં 71 હજાર 82 પુરુષ અને 31 હજાર 349 સર્વિસ મહિલા મતદાતાઓ છે.