વીડિયો: નીતિશને લાલુ માટે કરીને લેવી પડી તાંત્રિકની સહાય!
બિહાર વિધાનસભા ચૂંટણીમાં એક એવો ટ્વિસ્ટ આવ્યો છે જેનાથી તે વાત સાબિત થઇ જાય છે કે સત્તા પક્ષમાં મનગમતું પદ મેળવવા માટે જાણીતા અને મોટા રાજકારણીઓને પણ તંત્ર-મંત્રની શરણ લેવી પડે છે. તમને જાણીને અચરજ લાગશે પણ બિહારના મુખ્યમંત્રી નીતીશ કુમાર અને એક તાંત્રિકનો વીડિયો વાયરલ થયો છે.
એટલું જ નહીં વીડિયોમાં તાંત્રિકે નીતિશ કુમારને પપ્પી પણ કરી અને નીતિશ કુમાર જિંદાબાદ, લાલુ મુર્દાબાદ તેવા નારા પણ લગાવ્યા. આ વીડિયોએ એક નવા વિવાદને પણ જન્મ આપ્યો છે. કેન્દ્રિય મંત્રી ગિરિરાજ સિંહે આ વીડિયોને યૂટ્યૂબ પર અપલોડ કર્યો છે. આ વીડિયોમાં નીતિશ કુમારની સાથે સાંસદ અને તેમના નજીકના સાથી આરસીપી સિંહ અને નીરજ કુમાર સિંહની હાજરીમાં લેવામાં આવ્યો છે.
જો કે ગિરિરાજ સિંહે આરોપ લગાવ્યો છે કે નીતિશ કુમાર આરજેડી સુપ્રીમો લાલુ પ્રસાદના માથેથી શેતાન ઉતારવા માટે તાંત્રિક પાસે ગયા છે. આ વીડિયોમાં તાંત્રિકનો અવાજ તો સાફ રીતે નથી આવતો પણ તેટલું સમજાય છે કે તાંત્રિક નીતીશ જિંદાબાદ અને લાલુ મુર્દાબાદ તેવું બોલી રહ્યા છે.
ચર્ચો તો એ પણ છે કે આ વીડિયો જૂન, 2014નો જ્યારે નીતિશ કુમાર મુખ્યમંત્રી પદ છોડી ચૂક્યા હતા. જો કે લાલુ યાદવે આ વીડિયો જોઇને કહ્યું છે કે તે તાંત્રિકોથી પણ મોટા તાંત્રિક છે. વીડિયો જાહેર કરતી વખતે ગિરિરાજ સિંહે તેવો પણ દાવો કર્યો હતો કે નીતિશ કુમાર તાંત્રિકને લાલુથી દૂર રહેવાની સલાહ આપી રહ્યો છે. નીતીશ લાલુની સાથે છે પણ તે તેને પણ ધોકો આપશે.