અમે દિલ્હીને આત્મનિર્ભર બનાવવા માંગીયે છીયે જ્યારે તેઓ AAP નિર્ભર, કેજરીવાલ પર વરસ્યા શાહ

દિલ્હી MCD ચૂંટણી પહેલા, કેન્દ્રીય ગૃહ પ્રધાન અમિત શાહે પણ દિલ્હીના મુખ્ય પ્રધાન અને AAPના રાષ્ટ્રીય સંયોજક અરવિંદ કેજરીવાલ સરકાર પર અગાઉની ત્રણ નાગરિક સંસ્થાઓ સાથે સાવકી માનું વર્તન કરવાનો આરોપ મૂક્યો હતો. નગર નિગમોના 40,000 કરોડ રૂપિયા બાકી છે. શાહે કહ્યું કે અરવિંદ કેજરીવાલની આગેવાનીવાળી પાર્ટી દિલ્હીને 'આપ નિર્ભર' બનાવવા માંગે છે. જ્યારે ભાજપ રાષ્ટ્રીય રાજધાનીને આત્મનિર્ભર બનાવવા માંગે છે. દિલ્હી MCD ચૂંટણીમાં લોકોએ આને ધ્યાનમાં રાખવું પડશે.

કેન્દ્રીય ગૃહ પ્રધાન દક્ષિણ દિલ્હીના તેહખંડમાં વેસ્ટ ટુ એનર્જી (WTE) પ્લાન્ટના ઉદ્ઘાટન પ્રસંગે લોકોને સંબોધિત કરી રહ્યા હતા. તેમણે કહ્યું કે તે બહુહેતુક પ્લાન્ટ છે. મોદી સરકાર દિલ્હીને કચરા મુક્ત બનાવવા માટે કામ કરી રહી છે. પ્લાન્ટ દરરોજ લગભગ 2000 મેટ્રિક ટન કચરાનું સંચાલન કરશે. આ સાથે પ્લાન્ટમાંથી 25 મેગાવોટ ગ્રીન એનર્જીનું ઉત્પાદન કરવામાં આવશે. શાહે એ પણ ખાતરી આપી હતી કે MCD ચૂંટણીઓ યોજાય ત્યાં સુધીમાં દિલ્હીને કચરો મુક્ત કરવાની યોજના સાથે ભાજપ તૈયાર હશે અને શહેર 2025 સુધીમાં તેના દૈનિક કચરાના 100 ટકા પર પ્રક્રિયા કરી શકે તેવી સ્થિતિમાં હશે.

કેજરીવાલ સરકારે અગાઉની ત્રણ મ્યુનિસિપલ સંસ્થાઓ સાથે સાવકી મા જેવું વર્તન કર્યું હતું. મ્યુનિસિપલ કોર્પોરેશનો પાસે રૂ. 40,000 કરોડનું દેવું છે. ગૃહમંત્રીએ કહ્યું, "તેઓ ઈચ્છે છે કે દિલ્હી AAP (આમ આદમી પાર્ટી) પર નિર્ભર બને. પરંતુ ભાજપ એવું નથી ઈચ્છતું. અમે ઈચ્છીએ છીએ કે રાષ્ટ્રીય રાજધાની આત્મનિર્ભર બને. તેમણે વધુમાં કહ્યું કે નગર નિગમની આગામી ચૂંટણીમાં દિલ્હી (એમસીડી)ની જનતાએ નક્કી કરવું પડશે કે તેઓ AAP નિર્ભર બનવા માગે છેકે આત્મનિર્ભર.

દક્ષિણ દિલ્હીમાં વેસ્ટ ટુ એનર્જી પ્લાન્ટના ઉદ્ઘાટનની અસર અંગે કાર્યક્રમમાં લોકોને સંબોધતા કેન્દ્રીય ગૃહમંત્રીએ દિલ્હી સરકાર પર આકરા પ્રહારો કરતા કહ્યું કે આમ આદમી પાર્ટી લોકોને AAP પર નિર્ભર બનાવવા માંગે છે.જ્યારે મોદી સરકાર લોકોને આત્મનિર્ભર બનાવી રહી છે.

English summary

We want to make Delhi self-reliant while Kejriwal wants to make AAP dependent: Amit Shah