Weather Update: પહાડી રાજ્યોમાં ભારે વરસાદ સાથે હિમવર્ષા, હવામાન વિભાગે જાહેર કર્યુ રેડ એલર્ટ

Weather Update: ભારતીય હવામાન વિભાગે હવામાનને લઈને નવીનતમ અહેવાલ જાહેર કર્યો છે. આ લેટેસ્ટ રિપોર્ટ દર્શાવે છે કે હવામાનમાં ફરી એકવાર પલટો આવ્યો છે. જેના કારણે વરસાદ અને કરા પડવાની સંભાવના છે. ખાસ કરીને પહાડી વિસ્તારોમાં હિમવર્ષાની આગાહી કરવામાં આવી છે.

તાજેતરની સેટેલાઇટ ઇમેજરીએ પશ્ચિમ હિમાલયના પ્રદેશમાં વરસાદ અને હિમવર્ષાની પ્રવૃત્તિ જાહેર કરી છે. જે યથાવત રહેવાની સંભાવના છે. આ સાથે હવામાન વિભાગે લોકોને ચેતવણી પણ આપી છે. જમ્મુ-કાશ્મીર, હિમાચલ પ્રદેશ અને ઉત્તરાખંડના પહાડી વિસ્તારોમાં ભારે વરસાદ અને હિમવર્ષા થઈ શકે છે.

આજે એટલે કે 19મી ફેબ્રુઆરીએ જમ્મુ-કાશ્મીર અને લદ્દાખમાં વિવિધ સ્થળોએ ભારે વરસાદની સંભાવના છે. આ ઉપરાંત, 20 ફેબ્રુઆરીએ છૂટાછવાયા સ્થળોએ ભારે વરસાદ અને હિમવર્ષા (64.5થી 115.5 મીમી) થવાની સંભાવના છે. વળી, 19 ફેબ્રુઆરીએ જમ્મુ અને કાશ્મીર અને લદ્દાખમાં ભારેથી અતિ ભારે વરસાદ અને હિમવર્ષા (115.6 થી 204.4 મીમી) થવાની સંભાવના છે.

ઉત્તરાખંડમાં આજે અને આવતીકાલે એટલે કે 19 અને 20 ફેબ્રુઆરીએ વિવિધ સ્થળોએ કરા પડવાની સંભાવના છે. ઉત્તરાખંડમાં 19 ફેબ્રુઆરીએ કેટલાક સ્થળોએ ભારેથી અતિ ભારે વરસાદ અને હિમવર્ષા (115.6 થી 204.4 મીમી) થઈ શકે છે. આ ઉપરાંત, 20 ફેબ્રુઆરીએ છૂટાછવાયા સ્થળોએ ભારે વરસાદ (64.5 થી 115.5 મીમી) થવાની સંભાવના છે.

19 ફેબ્રુઆરીએ હિમાચલ પ્રદેશમાં વિવિધ સ્થળોએ કરા પડી શકે છે. હિમાચલ પ્રદેશમાં 19 અને 20 ફેબ્રુઆરી 2024 ના રોજ અલગ-અલગ સ્થળોએ ભારે વરસાદ અને હિમવર્ષા (64.5થી 115.5 મીમી) થઈ શકે છે. હિમાચલ પ્રદેશમાં 19 ફેબ્રુઆરીએ ભારેથી અતિ ભારે વરસાદ અને હિમવર્ષા (115.6થી 204.4 મીમી) થવાની સંભાવના છે.

English summary

Weather Update: Heavy rain and snowfall in hilly states, Red alert issued by IMD.