Weather Update: 10 રાજ્યોમાં વરસાદનુ ઑરેન્જ અને દિલ્લીમાં યલો એલર્ટ, જાણો દેશમાં હવામાનની સ્થિતિ
Weather Update: ભારતીય હવામાન વિભાગ (IMD) એ પશ્ચિમ બંગાળ, સિક્કિમ, ઉત્તરાખંડ, આસામ, મેઘાલય, નાગાલેન્ડ, મણિપુર, મિઝોરમ, ત્રિપુરા અને અરુણાચલ પ્રદેશ સહિત અનેક રાજ્યો માટે ઓરેન્જ એલર્ટ જાહેર કર્યું છે. 6 ઓગસ્ટે આ વિસ્તારોમાં ભારે વરસાદની સંભાવના છે.
દિલ્હીમાં આજે યલો એલર્ટ જાહેર કરવામાં આવ્યું છે. IMD એ હળવાથી મધ્યમ વરસાદ અને ગાજવીજ સાથે સામાન્ય રીતે વાદળછાયું આકાશ રહેવાની આગાહી કરી છે. સમગ્ર દિવસ દરમિયાન 20-30 કિલોમીટર પ્રતિ કલાકની ઝડપે જોરદાર પવન ફૂંકાશે.
IMD ની અખબારી યાદી અનુસાર, "આ અઠવાડિયે જમ્મુ અને કાશ્મીર, હિમાચલ પ્રદેશ, ઉત્તરાખંડ અને રાજસ્થાનમાં વાવાઝોડા અને વીજળી સાથે વ્યાપક હળવો/મધ્યમ વરસાદ થવાની સંભાવના છે; ઉત્તર પ્રદેશ, પંજાબ, હરિયાણા-ચંદીગઢ-દિલ્હીમાં છૂટાછવાયા વ્યાપક વરસાદની શક્યતા છે."
હવામાનની આગાહી અનુસાર, રાજસ્થાનમાં 6, 8 અને 9 ઓગસ્ટના રોજ "ખૂબ ભારે વરસાદ" ની શક્યતા છે. 7 ઓગસ્ટે હિમાચલ પ્રદેશમાં પણ આવું જ હવામાન રહેવાની શક્યતા છે. ઉત્તરાખંડમાં 6-7 ઓગસ્ટ અને 9 ઓગસ્ટે ભારે વરસાદ પડશે.
હવામાન બુલેટિનમાં વધુમાં જણાવ્યું હતું કે "સપ્તાહ દરમિયાન કોંકણ અને ગોવા, ગુજરાત પ્રદેશમાં વાવાઝોડા અને વીજળીના ચમકારા સાથે વ્યાપક હળવાથી મધ્યમ વરસાદની શક્યતા છે; મધ્ય મહારાષ્ટ્ર, મરાઠવાડા અને સૌરાષ્ટ્ર અને કચ્છમાં છૂટાછવાયાથી લઈને વ્યાપક વરસાદની શક્યતા છે."
IMD એ 9 ઓગસ્ટ સુધી મધ્યપ્રદેશમાં "ભારે વરસાદ"ની આગાહી કરી છે. આવી જ સ્થિતિ છત્તીસગઢમાં 7 ઓગસ્ટ સુધી રહેશે. ગોવામાં 10 ઓગસ્ટ સુધી ભારે વરસાદની સંભાવના છે. મહારાષ્ટ્ર અને ગુજરાતમાં 9 ઓગસ્ટ સુધી ભારે વરસાદ પડશે. સમગ્ર સપ્તાહ દરમિયાન પૂર્વ અને ઉત્તરપૂર્વ ભારતમાં વાવાઝોડા અને વીજળીના ચમકારા સાથે વ્યાપક હળવાથી મધ્યમ વરસાદની શક્યતા છે.
હવામાન વિભાગે 10 ઓગસ્ટ સુધી અરુણાચલ પ્રદેશ, આસામ, મેઘાલય, નાગાલેન્ડ, મણિપુર, મિઝોરમ અને ત્રિપુરામાં "ભારેથી અતિ ભારે વરસાદ"ની આગાહી કરી છે. 6 ઓગસ્ટે પશ્ચિમ બંગાળ અને સિક્કિમમાં પણ આવું જ હવામાન રહેશે. ઓડિશામાં 7 ઓગસ્ટે ભારે વરસાદની સંભાવના છે.
વિભાગે કેરળ, લક્ષદ્વીપ, કર્ણાટક, તમિલનાડુ, પુડુચેરી, આંધ્રપ્રદેશ અને તેલંગાણામાં 10 ઓગસ્ટ સુધી સંભવિત વરસાદની આગાહી પણ કરી છે. તામિલનાડુમાં 6 ઓગસ્ટે ખાસ કરીને "ભારે વરસાદ" થવાની ધારણા છે.
Click it and Unblock the Notifications
Sign in with Google
