Weather Update: મુંબઈમાં જળ તાંડવ, મુથા નદી છલકાઈ, સૌરાષ્ટ્ર-કચ્છમાં રેડ એલર્ટ, જાણો હવામાનની આગાહી
Weather Update: મોનસૂન અવેરનેસ વીક માટે હવામાન વિભાગે એલર્ટ જાહેર કર્યું છે. આ સમયગાળા દરમિયાન, ઘણા રાજ્યોમાં ભારેથી અતિ ભારે વરસાદને લઈને એલર્ટ છે. આ દરમિયાન સૌરાષ્ટ્ર અને કચ્છ ઉપરાંત મહારાષ્ટ્રમાં પણ ભારે વરસાદ ચાલુ છે. IMDની આગાહી મુજબ મહારાષ્ટ્રમાં 48 કલાક સુધી ભારે વરસાદ ચાલુ રહેશે. આ સાથે જ સૌરાષ્ટ્ર અને કચ્છમાં વરસાદના કારણે જનજીવન પ્રભાવિત થયું છે.
બંગાળની ખાડીમાં લો પ્રેશરને કારણે ગુજરાતમાં હવામાનમાં પલટો જોવા મળી રહ્યો છે. હવામાન વિભાગે 26 જુલાઈ સુધી સતત 4 દિવસ રાજ્યના કેટલાક વિસ્તારોમાં ભારેથી અતિભારે વરસાદની આગાહી કરી છે. IMD એ બુધવારે જ સૌરાષ્ટ્ર અને દક્ષિણ ગુજરાતમાં રેડ એલર્ટ આપ્યું હતું.
મુંબઈમાં ભારે વરસાદનું એલર્ટ જાહેર કરવામાં આવ્યું છે. થાણે માટે ઓરેન્જ એલર્ટ છે, જ્યાં ભારેથી અતિ ભારે વરસાદની શક્યતા છે. આવી સ્થિતિમાં કલ્યાણ ડોમ્બિવલી મ્યુનિસિપલ કોર્પોરેશન (KDMC) એ રહેવાસીઓને માત્ર જરૂરી કામ માટે જ બહાર જવાની સલાહ આપી છે.
હવામાન વિભાગના લેટેસ્ટ અપડેટ મુજબ, 25-26 જુલાઈ દરમિયાન ગુજરાત રાજ્ય, કોંકણ અને ગોવા, મધ્ય મહારાષ્ટ્ર, ઓડિશા, કર્ણાટક, પશ્ચિમ મધ્ય પ્રદેશ, છત્તીસગઢ, પૂર્વ મધ્ય પ્રદેશ અને કેરળ અને માહેમાં ભારે વરસાદની આગાહી કરવામાં આવી છે. આ રાજ્યોના કેટલાક વિસ્તારોમાં ભારે વરસાદની સંભાવના છે. જેમાં કેટલાક વિસ્તારોમાં વરસાદ ચાલુ છે. જ્યારે IMDએ કેટલાક વિસ્તારો માટે ઓરેન્જ એલર્ટ જાહેર કર્યું છે.
ઓડિશામાં પણ ભારે વરસાદની આગાહી છે. IMD અનુસાર, 25-26 જુલાઈ દરમિયાન ઓડિશામાં અલગ-અલગ સ્થળોએ ભારે વરસાદની સંભાવના છે. કોંકણ અને ગોવા, મધ્ય મહારાષ્ટ્ર, ગુજરાતમાં 25-27 જુલાઈ અને કેરળ અને માહેમાં 25 જુલાઈએ વરસાદની અપેક્ષા છે.
હિમાચલ પ્રદેશ, ઉત્તરાખંડ, પૂર્વ રાજસ્થાન, હરિયાણા-ચંદીગઢ-દિલ્હી, પંજાબ, પશ્ચિમ ઉત્તર પ્રદેશ અને જમ્મુ-કાશ્મીર-લદ્દાખ-ગિલગિટબાલ્ટિસ્તાનમાં છૂટાછવાયા હળવાથી મધ્યમ વરસાદની શક્યતા છે. આગામી પાંચ દિવસ દરમિયાન મુઝફ્ફરાબાદ, પશ્ચિમ રાજસ્થાન અને પૂર્વી ઉત્તર પ્રદેશમાં વરસાદની સંંભાવના છે.
હિમાચલ પ્રદેશ, ઉત્તરાખંડ, પૂર્વ રાજસ્થાનમાં 25-27 જુલાઇ દરમિયાન છૂટાછવાયા સ્થળોએ ભારે વરસાદની સંભાવના છે. આગામી 24 કલાક દરમિયાન પશ્ચિમ રાજસ્થાનમાં ગરમ અને ભેજવાળું વાતાવરણ રહેવાની શક્યતા છે. આગામી બે દિવસ દરમિયાન પંજાબ અને હરિયાણા-ચંદીગઢ-દિલ્હીમાં ઉચ્ચ ભેજ સાથે સામાન્ય તાપમાન ઉપર રહેવાની શક્યતા છે.
Click it and Unblock the Notifications
Sign in with Google
