Weather Update: દિલ્લીમાં વરસાદની સંભાવના, જમ્મુ-કાશ્મીરમાં હિમવર્ષા, કરા, જાણો દેશનુ હવામાન

દેશના ઉત્તર-પશ્ચિમ ભાગમાં હાલમાં ઠંડીનુ જોર વધ્યુ છે. અલગ-અલગ ભાગોમાં વરસાદ, હિમવર્ષા, કરા પડી રહ્યા છે. આવો જાણીએ હવામાન અપડેટ.

Weather Update: ભારતીય હવામાન વિભાગના જણાવ્યા મુજબ દિલ્લી અને એનસીઆરમાં આજે પણ વરસાદ થવાની સંભાવના છે. વળી, પંજાબ, હરિયાણા, રાજસ્થાન, ઉત્તર પ્રદેશ, મધ્ય પ્રદેશ અને ગુજરાતમાં પણ આજે વરસાદ થવાની સંભાવના વ્યક્ત કરવામાં આવી છે. જમ્મુ કાશ્મીર અને હિમાચલ પ્રદેશમાં હિમ વર્ષાની આગાહી કરવામાં આવી છે. આવતા 24 કલાક દરમિયાન જમ્મુ કાશ્મીર, પંજાબ, હરિયાણા, હિમાચલ અને યુપીના અમુક ભાગોમાં કરા પડી શકે છે.

જમ્મુ કાશ્મીર અને હિમાચલમાં જનજીવન ખોરવાયુ

ઉત્તર ભારતના મોટાભાગના રાજ્યોમાં હાલમાં પડી રહેલી કડકડતી ઠંડીના કારણે જનજીવન પર અસર પડી છે. જમ્મુ કાશ્મીર અને હિમાચલ પ્રદેશમાં હિમવર્ષના લીધે હવાઈસેવા, વાહન વ્યવહાર અને શૈક્ષણિક કાર્ય પર અસર થઈ છે. કાશ્મીર યુનિવર્સિટી અને ક્લસ્ટર યુનિવર્સિટીએ આજની તમામ પરીક્ષાઓ રદ કરી દીધી છે. શ્રીનગર એરપોર્ટ પર તમામ ફ્લાઈટો મોડી છે.

#WATCH हिमाचल प्रदेश: शिमला के नारकंडा में बर्फबारी हुई। बर्फबारी के बाद चारों तरफ बर्फ की मोटी परत जमी हुई दिखी। (29.01) pic.twitter.com/5jCpqEpxpf

— ANI_HindiNews (@AHindinews) January 30, 2023

વરસાદ સાથે હિમવર્ષાની આગાહી

હવામાન વૈજ્ઞાનિકોએ જણાવ્યુ કે જમ્મુ કાશ્મીરમાં સોમવારે સવારે વાદળો છવાયેલા રહેશે અને હળવો વરસાદ તેમજ ગાજવીજ સાથે છાંટા પડવાનુ અનુમાન છે. લઘુત્તમ તાપમાન 10 ડિગ્રી આસપાસ રહેવાની સંભાવના છે. જમ્મુ કાશ્મીરમાં અને હિમાચલ પ્રદેશની રાજધાની શિમલામાં ભારે હિમવર્ષા થઈ રહી છે. હિમવર્ષા પછી બરફના થર જામી ગયા છે.

#WATCH हिमाचल प्रदेश: शिमला के मंढोल क्षेत्र में भारी हिमपात देखा गया। pic.twitter.com/jCl5uvqFmg

— ANI_HindiNews (@AHindinews) January 30, 2023

રાજસ્થાનમાં પડ્યા કરા, પાકને નુકશાન

રાજસ્થાનમાં ઠંડીનો પ્રકોપ યથાવત છે. હવામાન વિભાગના જણાવ્યા મુજબ રાજસ્થાનમાં આગામી 3થી 4 દિવસ વધુ ઠંડી પડશે. ઉદયપુરમાં ઠંડીના લીધે 5માં ધોરણ સુધીના વિદ્યાર્થીઓ માટે શાળામાં 31 તારીખ સુધી રજા જાહેર કરવામાં આવી છે. રાજસ્થાનમાં અમુક સ્થળોએ કરા પણ પડ્યા છે. જેના કારણે ખેતીના પાકને નુકશાન થયુ છે. હવામાન વિભાગે આગાહી કરી છે કે દેશના ઘણા રાજ્યોમાં હિમવર્ષા, કરા, વરસાદ, કોલ્ડવેવની સાથે કડકડતી ઠંડીની સંભાવના છે. પહાડી રાજ્યોમાં હિમવર્ષાના લીધે ઠંડી વધશે.

#WATCH उत्तराखंड: उत्तरकाशी के गंगोत्री धाम में भारी हिमपात देखा गया। pic.twitter.com/peaKDNABk2

— ANI_HindiNews (@AHindinews) January 30, 2023

દિલ્લીમાં વરસાદની સંભાવના

રાજધાની દિલ્લીની વાત કરીએ તો રવિવારે થયેલા હળવા વરસાદના કારણે ઠંડી વધી ગઈ છે અને મહત્તમ તાપમાન 17.2 ડિગ્રી સેલ્સિયસ નોંધવામાં આવ્યુ હતુ. જે આ સિઝન માટે સરેરાશ પાંચ ડિગ્રી ઓછુ હતુ. હવામાન વિભાગના જણાવ્યા મુજબ દિલ્લીમાં મોટાભાગના સ્થળોએ હળવાથી મધ્યમ વરસાદ સાથે ગાજવીજ સાથે વરસાદ પણ થઈ શકે છે. એનસીઆરમાં, લોની ગ્રામ્ય, હિંડન એએફ સ્ટેશન, બહાદૂરગઢ, ઈંદિરાપુરમ, નોઈડા, ગુરુગ્રામ અને માનેસરમાં હળવાથી મધ્યમ વરસાદની આગાહી કરવામાં આવી છે.

English summary

Weather Update: Rain predicted Delhi, snowfall in Jammu and Kashmir, hail in Rajasthan, know the weather update here.