Weather Update: ભારે પવન અને ગાજવીજ સાથે થશે વરસાદ, કરાવૃષ્ટની ચેતવણી, જાણો હવામાનની સ્થિતિ
Weather Update: હવામાનમાં થઈ રહેલા સતત ફેરફારોને કારણે હાલમાં વરસાદી માહોલ ચાલી રહ્યો છે. ભારતીય હવામાન વિભાગે આપેલા તાજેતરના અહેવાલો અનુસાર, કોલકાતા રડાર ઇમેજરી દર્શાવે છે કે ગંગાના પશ્ચિમ બંગાળ (હુગલી, પૂર્વ બર્દવાન અને આસપાસના વિસ્તારો) પર વાવાઝોડા સાથે ભારે વરસાદ પડી શકે છે.
આ સમયગાળા દરમિયાન વીજળી અને તેજ પવન પણ રહેશે. પવનની ઝડપ 30થી 40 કિમી પ્રતિ કલાક રહેશે. વરસાદની સાથે છૂટાછવાયા સ્થળોએ કરા પડવાની પણ શક્યતા છે.
વળી, ઉત્તર પ્રદેશના ઘણા જિલ્લાઓમાં તોફાન, વીજળી અને કરા સાથે વરસાદની ચેતવણી જાહેર કરવામાં આવી છે. હરદોઈ, ફરુખાબાદ, મૈનપુરી, ઈટાવા, હાથરસ, કાંશીરામનગર, ફિરોઝાબાદ, સીતાપુર, અયોધ્યા, સુલતાનપુર, અમેઠી, પ્રતાપગઢ અને રાયબરેલી, ફતેહપુર, બાંદા, હમીરપુર, જાલૌન અને ઝાંસીમાં ભારે પવન સાથે વરસાદ થઈ શકે છે.
દિલ્હી રડાર ઈમેજી દર્શાવે છે કે પશ્ચિમ ઉત્તર પ્રદેશ (આગ્રા, એટાહ અને આજુબાજુના વિસ્તારો) પર છૂટાછવાયા સ્થળોએ વાવાઝોડા, વીજળી, ભારે પવન સાથે વરસાદની સંભાવના છે. ઉપ-હિમાલયન પશ્ચિમ બંગાળ અને સિક્કિમમાં 22 ફેબ્રુઆરીએ છૂટાછવાયા સ્થળોએ ભારે વરસાદ અને હિમવર્ષા થવાની સંભાવના છે.
21 ફેબ્રુઆરીએ બિહારમાં વિવિધ સ્થળોએ કરા પડવાની સંભાવના છે. 21 ફેબ્રુઆરીએ સબ હિમાલયન પશ્ચિમ બંગાળ અને સિક્કિમમાં છૂટાછવાયા સ્થળોએ કરા પડવાની સંભાવના છે. 22 ફેબ્રુઆરીએ આસામ અને મેઘાલયમાં છૂટાછવાયા સ્થળોએ કરા પડવાની સંભાવના છે. 21 ફેબ્રુઆરીએ ઉત્તર પ્રદેશમાં છૂટાછવાયા સ્થળોએ કરા પડવાની સંભાવના છે. 21 ફેબ્રુઆરીએ ઉત્તરાખંડમાં વિવિધ સ્થળોએ કરા પડવાની સંભાવના છે.
Click it and Unblock the Notifications
Sign in with Google
