IMD Alert: વેસ્ટર્ન ડિસ્ટર્બન્સ સક્રિય, દિલ્લી સહિત આ રાજ્યોમાં આંધી-વરસાદની સંભાવના

ભારતીય હવામાન વિભાગે પોતાની લેટેસ્ટ અપડેટમાં કહ્યુ છે કે આવતા 24 કલાક દરમિયાન દેશના ઘણા ભાગોમાં તેજીથી હવામાનનો મિજાજ બદલાવાનો છે.

નવી દિલ્લીઃ દેશના ઘણા રાજ્યોમાં હાલમાં આંધી-વરસાદ ચાલી રહ્યા છે. ભારતીય હવામાન વિભાગે પોતાની લેટેસ્ટ અપડેટમાં કહ્યુ છે કે આવતા 24 કલાક દરમિયાન દેશના ઘણા ભાગોમાં તેજીથી હવામાનનો મિજાજ બદલાવાનો છે. વિભાગે કહ્યુ છે કે દિલ્લીમાં આ સપ્તાહ હવામાન આહલાદક રહેવાનુ છે. તેણે કહ્યુ છે કે આજથી લઈને આગલા ત્રણ દિવસ સુધી રાજધાનીમાં વરસાદની સંભાવના છે જેનાથી લોકોને ગરમીથી રાહત મળશે.

ઘણા રાજ્યોમાં ભારે વરસાદનુ એલર્ટ

આઈએમડીના જણાવ્યા અનુસાર આખુ સપ્તાહ દિલ્લીનુ તાપમાન 40 ડિગ્રી કે તેનાથી ઓછુ રહેવાનુ અનુમાન છે અને આગલા ત્રણ દિવસ વરસાદ સાથે પવન ફૂંકાવાની સંભાવના છે. વેસ્ટર્ન ડિસ્ટર્બન્સના કારણે આવુ થઈ રહ્યુ છે. દિલ્લીના હવામાનની અસર આસપાસના રાજ્યોમાં થવાની છે અને આના કારણે યુપી, બિહાર, એમપી, રાજસ્થાન, છત્તીસગઢ અને ઉત્તરાખંડમાં વરસાદની સંભાવના રહેલી છે.

ઉત્તરાખંડમાં યલો એલર્ટ જારી

ઉત્તરાખંડમાં તો યલો એલર્ટ જારી કરવામાં આવ્યુ છે. જ્યારે વેસ્ટર્ન ડિસ્ટર્બન્સ દેશમાં સક્રિય થવાના કારણે રાજસ્થાનના જેસલમેર, બાડમેર, ચુરુ, ફલોદી, બીકાનેર, જોધપુર, ઝાલોર અને પાલીમાં હળવા વરસાદ અને આંધીની સંભાવના છે.

ચોમાસાની શરૂઆત 3 જૂનથી

ભારતીય હવામાન વિભાગે કહ્યુ છે કે સાઉથ-વેસ્ટ મોનસુન 3 જૂને કેરળ પહોંચી શકે છે. દક્ષિણ-પશ્ચિમ ચોમાસુ 1 જૂનથી ધીમે ધીમે આગળ વધશે માટે કેરળમાં મોનસુનની શરૂઆત 3 જૂનથી થઈ શકે છે પરંતુ આ પહેલા કેરળમાં પ્રી-મોનસુન પ્રક્રિયા જોવા મળશે. તમને જણાવી દઈએ કે આ પહેલા આઈએમડીએ કહ્યુ હતુ કે વાવાઝોડા યાસના કારણે ચોમાસુ સમય પહેલા આવી શકે છે અને તેને 31 મે સુધી તેના કેરળ પહોંચવાની સંભાવના વ્યક્ત કરી હતી.

English summary

Weather Updates: Thunderstorm expected in many states including Delhi-NCR in next 24 hours says IMD