જાણો શું છે ઇ-સિગારેટ, કેટલી ખતરનાક, કેમ સરકારે પ્રતિબંધ મૂક્યો

મોદી સરકાર એક પછી એક મોટા નિર્ણયો લઈ રહી છે. બુધવારે મોદી સરકારે બીજો મોટો નિર્ણય લીધો અને ઇ-સિગારેટ પર સંપૂર્ણ પ્રતિબંધ મૂક્યો. કેન્દ્રીય કેબિનેટે ઇ-સિગારેટ ઉપર પ્રતિબંધ મૂક્યો છે. પ્રતિબંધ હોવા છતાં, તેના ઉપયોગ પર ભારે દંડ અને જેલની સજા નક્કી કરવામાં આવી છે. વડા પ્રધાન મોદીની અધ્યક્ષતામાં મળેલી કેબિનેટની બેઠકમાં ઇ-સિગારેટ પર પ્રતિબંધ મૂકવાનો નિર્ણય લેવામાં આવ્યો છે. આ પ્રતિબંધ બાદ હવે ઇ-સિગારેટની આયાત, ઉત્પાદન અને વેચાણ પર પ્રતિબંધ મૂકવામાં આવ્યો છે. નાણામંત્રી નિર્મલા સીતારામને કહ્યું છે કે ઈ-સિગારેટને કારણે લોકોના સ્વાસ્થ્ય ઉપર પડેલા ખરાબ પ્રભાવોને કારણે સરકારે તેના પર પ્રતિબંધ મૂક્યો છે. સરકારે ઇ-સિગારેટ રાખવી તેને પણ કાનૂની ગુનો જાહેર કર્યો છે.

શું હોય છે ઇ-સિગારેટ

મોદી સરકારે મોટો નિર્ણય લઈને ઇ-સિગારેટ ઉપર પ્રતિબંધ મૂક્યો. ઘણા લોકોને ખબર નથી હોતી કે આ ઇ-સિગારેટ શું હોય છે. ઇ-સિગારેટ અથવા ઇલેક્ટ્રોનિક સિગરેટ એ એક પ્રકારની સિગારેટ છે જેમાં તમાકુને સીધી સળગાવવામાં નથી આવતી, પરંતુ તેમાં નિકોટિન પ્રવાહી તરીકે હોય છે. આમાં ઇલેક્ટ્રિક ફિલેમેન્ટને સળગાવીને પ્રવાહી નિકોટિનને વેપરાઈઝ કરવામાં આવે છે, જેને લોકો ઇનહેલ કરે છે. તમને જણાવી દઈએ કે ઇ-સિગારેટ બજારમાં એ કહીને રજૂ કરવામાં આવી હતી કે તે પરંપરાગત સિગારેટ કરતા ઓછું જોખમી છે અને તે લોકોને સિગારેટ છોડવામાં મદદ કરે છે. એવું પણ કહેવામાં આવ્યું હતું કે ઇ-સિગારેટ પરંપરાગત સિગારેટ કરતા 95 ટકા ઓછી હાનિકારક છે. ભારતમાં, આ કહેતા તેને બજારમાં લોન્ચ કરવામાં આવી હતી, પરંતુ તેને અહીં લાઇસન્સ નહીં મળ્યું.

કેટલી ખતરનાક છે ઇ-સિગારેટ

જ્યારે ભારતમાં ઇ-સિગારેટ રજૂ કરવામાં આવી હતી, ત્યારે લોકોએ દાવો કર્યો હતો કે તે તમાકુ સિગારેટ કરતા ઓછું જોખમી છે. સામાન્ય સિગારેટમાં 70 થી વધુ ઘટકો હોય છે, જેને કેન્સરનું કારણ બને છે. તે જ સમયે, એવો દાવો પણ કરવામાં આવ્યો હતો કે આ તત્વો ઇ-સિગારેટમાં કાં તો ઓછા છે કે અથવા બિલકુલ હોતા જ નથી. તે જ સમયે, પબ્લિક હેલ્થ ઇંગ્લેંડના અહેવાલમાં કહ્યું કે, જે લોકોને સિગારેટના વ્યસનો છે તેમણે ઇ-સિગારેટ પીવી જોઇએ. તે સિગારેટ છોડવામાં મદદ કરે છે.

કેમ પ્રતિબંધ મુકવામાં આવ્યો

હકીકતમાં, તાજેતરમાં એક અહેવાલ બહાર આવ્યો છે, જેમાં ઇ-સિગારેટની જોખમી અસરોનો પર્દાફાશ થયો છે. રિપોર્ટમાં ઇ-સિગારેટ પર પ્રતિબંધ મૂકવાની માંગ કરવામાં આવી છે. એક સંશોધનથી જાણવા મળ્યું છે કે ઈ-સિગારેટમાં ઉપયોગમાં લેવામાં આવતા ફ્લેવર્ડ લિક્વિડ હૃદયને નુકસાન પહોંચાડી શકે છે. ઇ-સિગારેટ માત્ર કેન્સર જ નહીં, હાર્ટ એટેકનું જોખમ વધારે છે. તે જ સમયે એવું પણ કહેવામાં આવ્યું હતું કે તેના ઉપયોગથી ડિપ્રેસનનું જોખમ વધી જાય છે. ઇ-સિગારેટના તજ અને મેન્થોલ ફ્લેવરને સૌથી ખતરનાક માનવામાં આવ્યો. સંશોધનથી જાણવા મળ્યું છે કે ઇ-સિગારેટ પીવાથી હાર્ટ એટેકનું જોખમ 56% વધી જાય છે.

આ પણ વાંચો: GST કાઉન્સિલ બેઠકઃ જીએસટી દરોમાં ફરીથી કરવામાં આવ્યા ફેરફાર

English summary

what e-cigarettes are, how dangerous, why the government banned