Video: મસ્તી-મજાક કરવી ભારે પડી, મુંબઈમાં ત્રીજા માળેથી પડી જતા મહિલાનુ મોત, એક માંડ-માંડ બચ્યો

Published: Wednesday, July 17, 2024, 15:30 [IST]

Mumbai Viral Video: ક્યારેક મજાક-મસ્તી જીવન પર કેટલુ ભારે પડી શકે છે, તેનું નવીનતમ ઉદાહરણ મહારાષ્ટ્રમાંથી સામે આવ્યું છે. મુંબઈ નજીક ડોમ્બિવલીમાં ત્રણ માળની ઈમારત પરથી પડી જવાથી એક મહિલાનું મોત નીપજ્યું હતું, જ્યારે અન્ય એક વ્યક્તિનો જીવ માંડ-માંડ બચી ગયો હતો.

ડોમ્બિવલીના કલ્યાણ શીલ રોડ પર ગ્લોબ સ્ટેટ બિલ્ડિંગના ત્રીજા માળે મિત્રો સાથે મજાક કરતી વખતે મહિલા ત્રીજા માળેથી નીચે પડી હતી. આ દરમિયાન અન્ય એક વ્યક્તિ નીચે પડતાં બચી ગયો હતો. જેનો વીડિયો સોશિયલ મીડિયા પર વાયરલ થયો હતો.

વીડિયોમાં જોઈ શકાય છે કે કેવી રીતે મહિલા અને તેના કેટલાક સાથીઓ બાલ્કનીની દિવાલ પાસે ઉભા છે. અને ત્યાં અચાનક હલચલ થાય છે અને મહિલા પળવારમાં નીચે પડી જાય છે, જ્યારે ત્યાં ઉભેલા અન્ય લોકોની સતર્કતાથી સામેની વ્યક્તિનો જીવ બચી ગયો હતો.

મૃતક મહિલાની ઓળખ નગીના દેવી મંજીરામ તરીકે થઈ હતી, જેને તેના પરિચિતો ગુડિયા દેવી તરીકે ઓળખતા હતા, જે બિલ્ડિંગમાં ચોકીદાર તરીકે કામ કરતી હતી. તેમના પરિવારમાં એક પુત્ર અને એક પુત્રી છે, જે તેમના આકસ્મિક મૃત્યુથી આઘાતમાં છે.

महाराष्ट्र : डोंबिवली में दोस्तों के साथ मजाक करते समय एक महिला की तीसरी मंजिल से गिरकर मौत हो गई. घटना CCTV कैमरे में कैद हो गई. #Maharashtra | #CCTV pic.twitter.com/YcKH9GRT70
— NDTV India (@ndtvindia) July 17, 2024