World Consumer Rights Day 2023: વિશ્વ ગ્રાહક દિવસ પર જાણો પોતાના અધિકાર

15 માર્ચને દર વર્ષે ગ્રાહક અધિકાર દિવસ તરીકે ઉજવવામાં આવે છે. જેનો હેતુ ગ્રાહકોના અધિકાર અને તેમની જરુરિયાતો વિશે લોકોમાં જાગૃતિ લાવવાનો છે.

Updated: Wednesday, March 15, 2023, 13:05 [IST]

World Consumer Rights Day 2023: 15 માર્ચને દર વર્ષે ગ્રાહક અધિકાર દિવસ તરીકે ઉજવવામાં આવે છે. જેનો હેતુ ગ્રાહકોના અધિકાર અને તેમની જરુરિયાતો વિશે લોકોમાં જાગૃતિ લાવવાનો છે. આ દિવસે ગ્રાહકોને પોતાના અધિકારો પ્રત્યે સજાગ રહવા માટે આહ્વાન કરવામાં આવે છે. આવો જાણીએ એક ગ્રાહક પાસે કયા કયા અધિકારો હોય છે.

વિશ્વ ગ્રાહક દિવસ 1983માં પ્રથમ વખત ઉજવવામાં આવ્યો હતો. વિશ્વ ગ્રાહક અધિકાર દિવસની ઉજવણી પાછળની પ્રેરણા ભૂતપૂર્વ યુએસ પ્રમુખ જૉન એફ કેનેડીની હતી. 15 માર્ચ 1962ના રોજ યુએસ કોંગ્રેસને એક વિશેષ સંદેશમાં ગ્રાહક અધિકારોના મુદ્દાને સંબોધિત કરનાર તેઓ પ્રથમ વિશ્વ નેતા હતા.

આ દિવસનો મુખ્ય હેતુ ગ્રાહકોને તેમના અધિકારો અને જવાબદારીઓથી વાકેફ કરવાનો છે. સંગ્રહખોરી, કાળાબજાર, ભેળસેળ, નિયત કિંમત કરતાં વધુ રકમ વસૂલવી, બિન-માનક વસ્તુઓનુ વેચાણ, છેતરપિંડી, માપણીનુ કૌભાંડ, ગ્રાહકને ગેરંટી આપ્યા પછી પણ સેવા ન આપવી, તેમજ ગ્રાહકોને થતી સમસ્યાઓ અંગેના ગુનાઓ વિશે જણાવાનો છે.

કન્ઝ્યુમર પ્રોટેક્શન એક્ટ, 1986 ભારતમાં કેટલાક મૂળભૂત ગ્રાહક અધિકારોની રૂપરેખા આપે છે. ગ્રાહક હોવાના નાતે દરેક ભારતીયને અધિકારો મળ્યા છે, જેમાં સલામતીનો અધિકાર, જાણ કરવાનો અધિકાર, પસંદ કરવાનો અધિકાર, સાંભળવાનો અધિકાર, નિવારણનો અધિકાર શામેલ છે.

Modi Government is committed to empowering consumers.#WorldConsumerRightsDay2023 pic.twitter.com/dS2IR9LRsN
— Piyush Goyal (@PiyushGoyal) March 15, 2023