રવિન્દ્ર જાડેજાએ જામનગરની જનતાનો માન્યો આભાર, આપ્યો ખાસ સંદેશ

ગુજરાતમાં ભારતીય જનતા પાર્ટીની અભૂતપૂર્વ જીત થઇ છે. જેમાં ભારતીય જનતા પાર્ટીને અત્યાર સુધીમાં 156 બેઠક પર જીત મળી છે. આ સાથે કોંગ્રેસને 17 બેઠક પર જીત મળી છે. આમ આદમી પાર્ટીને 5 બેઠક મળી છે. આ સાથે અન્યને 4 બેઠક મળી છે.

Published: Friday, December 9, 2022, 11:02 [IST]

ગુજરાતમાં ભારતીય જનતા પાર્ટીની અભૂતપૂર્વ જીત થઇ છે. જેમાં ભારતીય જનતા પાર્ટીને અત્યાર સુધીમાં 156 બેઠક પર જીત મળી છે. આ સાથે કોંગ્રેસને 17 બેઠક પર જીત મળી છે. આમ આદમી પાર્ટીને 5 બેઠક મળી છે. આ સાથે અન્યને 4 બેઠક મળી છે. જામનગર ઉત્તર બેઠક પર ભાજપના ઉમેદવાર રીવાબા જાડેજાની મોટા માર્જીનથી જીત થઇ હતી.

આ જીત બાદ રવિન્દ્ર જાડેજાએ તેમની પત્ની રીવાબા સાથે ફોટો ટ્વીટર પર શેર કરતા લખ્યું હતું કે, હેલો ધારાસભ્યો તમે ખરેખર તેને લાયક છો. જામનગરની જનતાનો વિજય થયો છે. તમામ જનતાનો ખુબ ખુબ દીલથી આભાર માનુ છુ. જામનગરના કામો ખુબ સારા થાય એવી માં આશાપુરા ને વિનંતી. જય માતાજી, મારુજામનગર...

Hello MLA you truly deserve it. જામનગર ની જનતા નો વિજય થયો છે. તમામ જનતા નો ખુબ ખુબ દીલથી આભાર માનુ છુ. જામનગર ના કામો ખુબ સારા થાય એવી માં આશાપુરા ને વિનંતી. જય માતાજી🙏🏻 #મારુજામનગર pic.twitter.com/2Omuup5CEW
— Ravindrasinh jadeja (@imjadeja) December 9, 2022

જામનગર ઉત્તર

જામનગર ઉત્તર બેઠક પરથી ભાજપના ઉમેદવાર રીવાબા જાડેજાનો વિજય થયો છે. જેમને 88835 મત મળ્યા છે. જ્યારે આપના ઉમેદવાર કરશનભાઇ કરમુરને 35265 અને કોંગ્રેસના ઉમેદવાર બિપેન્દ્ર જાડેજાને 23274 મત મળ્યા છે.

2022ની વિધાનસભા ચૂંટણી

ગુજરાત વિધાનસભાની ચૂંટણીમાં કુલ 182 બેઠકો માટે બે તબક્કામાં 1 અને 5 ડિસેમ્બરના રોજ મતદાન થયું હતું. જેમાં કુલ 1,621 ઉમેદવારો ચૂંટણી મેદાનમાં છે. પ્રથમ તબક્કામાં 89 બેઠકો પર 788 ઉમેદવારોએ ચૂંટણી લડી હતી, જેમાં 70 મહિલા ઉમેદવારો અને 339 અપક્ષોનો સમાવેશ થાય છે. આ સાથે બીજા તબક્કાની 93 બેઠકો પર, કુલ 833 ઉમેદવારો હતા, જેમાં 69 મહિલા ઉમેદવારો અને 285 અપક્ષનો સમાવેશ થાય છે.

ગુજરાતમાં કુલ 4.91 કરોડ નોંધાયેલા મતદારો છે, જેમાંથી લગભગ 51.6 ટકા પુરૂષ અને 48.4 ટકા મહિલા મતદારો છે. આ સાથે લગભગ 1,400 નોંધાયેલા ટ્રાન્સજેન્ડર મતદારોનો પણ સમાવેશ થાય છે.

ગત 2017ની ગુજરાત વિધાનસભાની ચૂંટણીમાં ભારતી જનતા પાર્ટીને 99 બેઠકો અને કોંગ્રેસને 77 બેઠકો મળી હતી. આ સાથે ગુજરાત વિધાનસભાની ચૂંટણીમાં ભાજપની સતત છઠ્ઠી વાર જીત થઇ હતી.

Published On December 9, 2022