પેટ્રોલ પંપ માલિક પર હુમલો કરી 6 શખ્સોએ કાર લૂંટી

રાજકોટઃ ટંકારા તાલુકાના હળમતિયા ગામે લૂંટનો કેસ સામે આવ્યો છે જ્યાં પેટ્રોલ પંપ માલિકો પર 6 લોકોની ગેંગે હુમલો કર્યો હતો. 10 હજાર રૂપિયાની લૂંટ કરી ભાગીવાની કોશિશ કરી રહેલી ગેંગે પેટ્રોલ પંપ માલિકની કાર લઈને નાસી છૂટ્યા. શનિવારે વહેલી સવારે આ ઘટના બની હતી.

પોલીસે જણાવ્યું કે, કિશોર બરસારા (42) હળમતિયા ગામ ગામ પાસેથી પોતાના પેટ્રોલ પંપે જવા નિકળ્યા હતા, ગામની બહાર આવેલી એક દુકાનને કેટલાક શખ્સો લૂંટતા હોવાનું જોઈ તેમણે પોતાની ગાડી રોકી અને ચોર ટૂકડીને શૂં કરી રહ્યા છો? સવાલ પૂછ્યો. ત્યારે લૂંટારાઓએ કિશોરભાઈ પર બેટથી હુમલો કરી દીધો અને તેમના 10 હજાર રૂપિયા અને કાર લઈ ફરાર થઈ ગયા.

લૂંટારૂ ગેંગ ઘટના સ્થળે જ બે બાઈક છોડી ગયા, જે ચોરીની હોવાનો અંદાજો લગાવવામાં આવી રહ્યો છે. આ બાઈકનું આરટીઓ રજિસ્ટ્રેશન જામનગરનું છે, જ્યારે અન્ય એક બાઈક મહારાષ્ટ્ર આરટીઓમાં રજિસ્ટર થયેલી છે.

English summary

robbers looted 10,000 rupee and car in rajkot