સુરતના ઉધનામાં સર્કલ ઓફિસર 10 હજારની લાંચ લેતા પકડાયા
સુરતમાં ભ્રષ્ટાચાર વિરોધી બ્યુરો (ACB) એ ઉધના મામલતદાર કચેરીના સર્કલ ઓફિસર કૃષ્ણકુમાર બનેસંગ ડાભીને રૂપિયા 10 હજારની લાંચ લેતા રંગેહાથે ઝડપી પાડ્યા છે. આ કાર્યવાહીના પગલે સરકારી કચેરીઓમાં ફરજ બજાવતા ભ્રષ્ટ અધિકારીઓમાં ફફડાટ વ્યાપી ગયો છે.
મળતી માહિતી મુજબ, આ કેસના ફરિયાદીના અસીલની એક પ્લોટવાળી જમીનમાં અગાઉના માલિકના નામોની કાચી નોંધ પ્રમાણિત કરવાની અરજી પ્રક્રિયા હેઠળ હતી. આ સરકારી કાર્ય પૂરું કરવાના બદલામાં ઉધના-૩ ના વર્ગ-૩ સર્કલ ઓફિસર કૃષ્ણકુમાર બનેસંગ ડાભીએ લાંચની માંગણી કરી હતી.
ફરિયાદી લાંચ આપવા ઈચ્છતા ન હોવાથી તેમણે તુરંત જ સુરત ACB નો સંપર્ક કર્યો હતો. ફરિયાદીની રજૂઆતના આધારે, ACB ની ટીમે સુનિયોજિત છટકું ગોઠવ્યું. ડાભી ફરિયાદી પાસેથી રૂપિયા 10 હજારની લાંચ સ્વીકારતી વખતે જ ACB દ્વારા તેમને રંગેહાથે દબોચી લેવામાં આવ્યા હતા.
ઉધના મામલતદાર કચેરીના વર્ગ-૩ સર્કલ ઓફિસર કૃષ્ણકુમાર બનેસંગ ડાભી વિરુદ્ધ ACB એ ગુનો નોંધી કાયદેસરની કાર્યવાહી શરૂ કરી છે. ગુજરાત ACB દ્વારા છેલ્લા કેટલાક સમયથી લાંચિયા અધિકારીઓ પર સતત તવાઈ બોલાવવામાં આવી રહી છે, જે ભ્રષ્ટાચાર મુક્ત શાસન પ્રત્યેની પ્રતિબદ્ધતા દર્શાવે છે.
Click it and Unblock the Notifications
Sign in with Google
