સુરત, મુંબઈ અને બેંગલુરુમાં કિશોરીઓ પાસે દેહ વ્યાપાર કરાવનાર બાંગ્લાદેશી પકડાયો
દેશના બેંગલુરુ, મુંબઈ અને સુરત મહાનગરોમાં સગીર કિશોરીઓ પાસે દેહ વ્યાપાર કરાવનાર બાંગ્લાદેશી પકડાઈ ગયો છે.
સુરતઃ દેશના બેંગલુરુ, મુંબઈ અને સુરત મહાનગરોમાં સગીર કિશોરીઓ પાસે દેહ વ્યાપાર કરાવનાર બાંગ્લાદેશી પકડાઈ ગયો છે. ક્રાઈમ બ્રાંચની મિસિંગ સેલે તેને મુંબઈથી પકડ્યો છે. ક્રાઈમ બ્રાંચના એક અધિકારીએ જણાવ્યુ કે દેહ વ્યાપાર કરાવવાના કેસમાં અત્યાર સુધી મહિલા સહિત 7 આરોપીઓને પકડવામાં આવી ચૂક્યા છે. જેમાં મોહમ્મદ મોહસિન મોહમ્મદ નઝરુલ ખાન મુખ્ય ગુનેગાર છે. તે એક સગીર કિશોરીને છેતરીને બાંગ્લાદેશથી ભગાડીને ભારત લાવ્યો હતો.
મોહમ્મદ મોહસિન મોહમ્મદ નજરુલ ખાને કિશોરી પાસે બેંગલુરુ, મુંબઈ અને સુરતના સ્પામાં દેહ વ્યાપાર કરાવ્યો. પહેલા તે બેંગલુરુ ગયો પછી મુંબઈ અને ત્યારબાદ કિશોરીને સુરતના સ્પામાં વેચી. આ રીતે તે દેહ વ્યાપાર કરાવતો હતો. મુંબઈમાં તેણે નકલી પાસપોર્ટ બનાવીને રહેવાની વાત સામે આવી. બાદમાં જાણવા મળ્યુ કે તેની ઘરવાળી પણ આ ધંધામાં સંકળાયેલી છે.
મોહમ્મદ મોહસિન મોહમ્મદ નજરુલ ખાને બેંગલુરુ, મુંબઈ અને સુરત મહાનગરોમાં રહીને વેશ્યાવૃત્તિત કરાવવાની વાત કબૂલી છે. જો કે પોલિસે તેની પૂછપરછ ચાલુ રાખી છે. પોલિસના જણાવ્યા અનુસાર તેની પત્ની પર પણ દેહ વ્યાપારનો આરોપ છે. તે હજુ પણ બાંગ્લાદેશમાં હોવાનુ જાણવા મળ્યુ છે. મિસિંગ સેલે મહિલા સહિત 7 આરોપીને પકડ્યા છે. તેમની પાસેથી પણ માહિતી એકઠી કરવામાં આવી રહી છે.
ગુજરાતઃ ઉપ મુખ્યમંત્રી નીતિન પટેલ પર યુવકે ફેંક્યુ ચંપલ