Surat: કામરેજમાં રહેણાંક વિસ્તારમાં બિદાસ્ત ફરતો દેખાયો દીપડો
Surat: જંગલો કપાઇ રહ્યા છે, જે કારણે જંગલી જાનવર અવારનવાર માનવ વસાહતોની આસપાસ જોવા મળી જાય છે. આવા સમયે સુરત જિલ્લામાં પણ દીપડાએ દેખા દીધી છે.
સુરત જિલ્લામાં દીપડો અને તેના નાના બે બચ્ચા સાથે જોવા મળ્યો હતો. સીમમાં આવેલા ઝાંડી ઝાંખરામાં દીપડો જોવા મળતા એક કાર ચાલકે તેનો વીડિયો ઉતારી લીધો હતો. આ વીડિયો સોશિયલ મીડિયા પર ઘણો વાયરલ થઇ રહ્યો છે.
મળતી માહિતી મુજબ, સુરત જિલ્લામાં દીપડો દેખાયા હોવાના અહેવાલો અગાઉ અનેકવાર સામે આવી ચુક્યા છે. જે કારણએ વન વિભાગ દ્વારા પાંજરા ગોઠવીને ભૂતકાળમાં દીપડાઓને પકડવામાં આવ્યા છે. હવે વધુ એકવાર દીપડો દેખાતા વન વિભાગ હરકતમાં આવ્યું છે.
વાયરલ થઇ રહેલા વીડિયો કામરેજ તાલુકામાં આવેલા ધોરણ પારડી ગામના વગડાનો હોવાનું સામે આવ્યું છે. વીડિયોમાં જોવામાં આવ્યા અનુસાર કાંટાળી વાડમાં દીપડો અને તેના બે બચ્ચા સાથે જોવા મળ્યો હતો. જોકે, વધારે માણસોની હાજરીને કારણે દીપડો તેના બચ્ચાને લઈને સ્થળ પરથી નાસી છૂટ્યો હતો.
Click it and Unblock the Notifications
Sign in with Google
