Surat: જાહેરમાં થૂંકવા પર થશે દંડ, 155 સુરતીલાલાઓને ઈ - મેમો મોકલાયો
Surat: સુરત મહાનગરપાલિકા વિસ્તારમાં જાહેર રસ્તા પર થૂંકવા પર દંડ વસુલ કરવાની જોગવાઇ છે. સુરત મહાનગરપાલિકા દ્વારા આ માટે કંટ્રોલ રૂમ બનાવવામાં આવ્યો છે. આ કમાન્ડ એન્ડ કંટ્રોલ રૂમ દ્વારા મોનિટરિંગ કરવામાં આવી રહ્યો છે.
જે કોઇ વ્યક્તિ જાહેરમાં થૂંકતા દેખાય છે, તેમને ઇ-મેમો મોકલવામાં આવી રહ્યો છે. આ માટે સુરતના 155 લોકોને ઇ મેમો મોકલવામાં આવ્યો છે. આ લોકો પાસેથી 250થી લઇ 500 રૂપિયા સુધીનો દંડ વસૂલવામાં આવ્યો છે.
ઉલ્લેખનીય છે કે, જો કોઇ વ્યક્તિ પહેલીવાર જાહેરમાં થૂંકતા પકડાશે, તો 250 રૂપિયાનો દંડ ફટકારવામાં આવશે અને જે બાદ પણ તેઓ સુધરશે નહીં, તો આ દંડની રકમમાં વધારો કરવામાં આવશે.
ઉલ્લેખનીય છે કે, જાહેરમાં પાન-માવા ખાઈને પિચકારી મારવી એ હવે એક ફેશન સમજવામાં આવે છે. આવા લોકો સામે SMC દ્વારા કડક કાર્યવાહી કરવામાં આવી રહી છે.
સુરત મહાનગરપાલિકા દ્વારા 2500 અને સુરત પોલીસ વિભાગના 750 કુલ 3250 CCTV કેમેરાને આધારે જાહેરમાં થૂંકનારાઓને શોધી દંડની કાર્યવાહી કરવાનું શરૂ કરવામાં આવી રહી છે. અત્યાર સુધીમાં 155 લોકોને દંડ પણ ફટકારાયો છે. જો કોઈ વ્યક્તિ સમયમર્યાદામાં દંડ નહીં ભરે, તો તેને પણ વધારાનો દંડ ભરવો પડશે.
Click it and Unblock the Notifications
Sign in with Google
