Surat: 24 કલાકમાં સુરત ફાયર વિભાગને મળ્યા 125 કોલ
Surat: રવિવાર સવારથી સોમવાર સવાર સુધીના 24 કલાકના સમયગાળામાં સુરત ફાયર એન્ડ ઇમરજન્સી સર્વિસિસ (SFES) દ્વારા 125 ફાયર કોલ એેટેન્ડ કરવામાં આવ્યા હતા. રવિવારની સાંજે એક ઉદ્યોગ એકમમાં લાગેલી આગમાં એક વ્યક્તિને ઈજા થઈ હતી.
રવિવારની રાત્રે નોંધાયેલી મોટાભાગની ઘટનાઓમાં, ફટાકડા સળગાવવાનું કારણ માનવામાં આવે છે. રવિવારની સવારે પાલમાં એક મલ્ટિપ્લેક્સમાં આગ લાગવાની સાથે SFES ટીમોએ આગના ઘણા મોટા કોલ્સ એટેન્ડ કર્યા હતા.
પુણાગામ પોલીસ ચોકી પાસે ઘાસના ગોદામમાં લાગેલી મોટી આગ ચાર કલાકની જહેમત બાદ કાબુમાં આવી હતી. ઘટનાસ્થળેથી 10-10 ગાયો અને ભેંસોને બચાવી લેવામાં આવી હતી.
19 ફાયર સ્ટેશનોમાંથી પ્રત્યેકમાં, ઈમરજન્સી કોલમાં હાજરી આપવા માટે બે ફાયર ફાઈટિંગ ટીમો બનાવવામાં આવી હતી. દિવાળી દરમિયાન આગ અને ઈમરજન્સી કોલને ધ્યાનમાં રાખીને આ વ્યવસ્થા કરવામાં આવી હતી.
રવિવારની રાત્રે શહેરમાં રઘુવીર સિમ્ફનીના 11મા માળના એપાર્ટમેન્ટનો જ્વાળાઓમાં સળગી રહ્યો હોવાનો વીડિયો વાયરલ થયો હતો.
વિવિધ ફાયર સ્ટેશનની ફાયર ટીમો ઘટના સ્થળે દોડી આવી આગ પર કાબુ મેળવ્યો હતો. આ ઘટનામાં કોઈ જાનહાનિ થઈ નથી.
આ સાથે ઉગત રોડ પરના ભંગારના વેરહાઉસમાં બીજી મોટી આગ લાગી હતી જેને બે કલાકના પ્રયાસો બાદ કાબુમાં લેવામાં આવી હતી.
એક ફાયર અધિકારીએ જણાવ્યું હતું કે, આગની ઘટનાઓમાં કોઈ વ્યક્તિને ગંભીર ઈજાઓ થઈ નથી. ફાયર ટીમો એક જ સમયે બહુવિધ કોલ્સ હેન્ડલ કરવા માટે તૈયાર હતી.
કામરેજના ખોલવાડમાં શેરડીના ખેતરમાં ભીષણ આગ લાગી હોવાનું જાણવા મળ્યું હતું. આગની જ્વાળાઓ દૂર દૂરથી દેખાતી હોવાથી ગ્રામ્ય વિસ્તારોમાં ભયનો માહોલ સર્જાયો હતો.
Click it and Unblock the Notifications
Sign in with Google
