વડોદરામાં પતંગની દોરીથી ઘાયલ થયેલા 458 પક્ષીઓની કરાઇ સારવાર
Vadodara: ઉત્તરાયણ દરમિયાન વડોદરા શહેર અને જિલ્લામાં અનેક અબોલ પક્ષી પતંગ-રસ્સીથી ઘાયલ થઇ જતા હોય છે. જેને ધ્યાનમાં રાખીને બર્ડ હેલ્પ લાઇન નંબર જાહેર કરવામાં આવે છે. આ માટે ઘણા સ્વમસેવકો પણ સેવા આપે છે.
દર વર્ષની જેમ આ વર્ષે પણ રાજ્ય પશુપાલન વિભાગ અને ઇએમઆરઆઇ ગ્રીન હેલ્થ સર્વિસના 1962 એમ્બ્યુલન્સ વાન તથા મોબાઇલ પશુ દવાખાના દ્વારા કરુણા અભિયાન અંતર્ગત નિશુલ્ક ઘાયલ પક્ષીઓનો ઇલાજ કરવામાં આવે છે.
આ ઝુંબેશ અંતર્ગત વડોદરા શહેર જિલ્લાના વિવિધ વિસ્તારોમાં અબોલ પક્ષીઓના જીવ બચાવવા રાજ્યના પશુપાલન, વન વિભાગ દ્વારા વિવિધ સ્થળોએ 11 સારવાર કેન્દ્રો અને 58 બચાવ કેન્દ્રો ઉભા કરવામાં આવ્યા હતા.
ભૂતડી ઝાપા સ્થિત સારવાર કેન્દ્રના ડૉ. વિમલ પટેલે જણાવ્યું હતું કે, ઉત્તરાયણના દિવસે વડોદરા શહેર જિલ્લામાં પતંગની દોરીથી ઘાયલ થયેલા 458 પક્ષીઓને વિવિધ કેન્દ્રોમાં સારવાર આપવામાં આવી હતી.
ડૉ. વિમલ પટેલે જણાવ્યું હતું કે, વેટરનરી કોલેજના 15 ઇન્ટર્નશીપ ડૉકટર્સ સહિત 21 પશુચિકિત્સકો ઘાયલ પક્ષીઓની સારવાર માટે તૈનાત હતા. ઉત્તરાયણ નિમિત્તે ધારદાર દોરીના કારણે અનેક પક્ષીઓ ઘાયલ થાય છે, ખાસ કરીને કબૂતર, ઘુવડ અને સમડી જેવા પક્ષીઓની સંખ્યા વધુ હોય છે.
393 કબૂતર, 5 મોટા સફેદ બગલા, 4 પોપટ, 5 પોપટ, 12 કોકિલ, 3 ઘુવડ, 7 કાગડા, 3 સફેદ કબૂતર અને 14 અન્ય ઘાયલ પક્ષીઓ સહિત કુલ 458 પક્ષીઓની સારવાર નિષ્ણાત પશુચિકિત્સકો દ્વારા કરવામાં આવી હતી. વડોદરા જિલ્લાના કુલ 458 પક્ષીઓનો જીવ બચાવવામાં આવ્યો હતો.
Click it and Unblock the Notifications
Sign in with Google
