અફધાનિસ્તાનમાં 16 તાલિબાન આતંકવાદીના મોત

By Kumar Dushyant

Updated: Friday, February 13, 2015, 11:51 [IST]

કાબૂલ, 30 સપ્ટેમ્બર: અફધાનિસ્તાનમાં સૈન્ય દ્રારા હાથ ધરવામાં આવેલા ઓપરેશનમાં ઓછામાં ઓછા 16 આતંકવાદી મોત ઠાર માર્યા ગયા હોવાના સમાચાર પ્રાપ્ત થયા છે. અફઘાનિસ્તાનના આંતરિક મંત્રાલયે રવિવારે આ જાણકારી આપી હતી. અફધાનિસ્તાનમાં સૈન્ય દ્રારા હાથ ધરવામાં કાર્યવાહીમાં 22 તાલિબાન આતંકવાદીની ઘરપકડ કરવામાં આવી છે.

સમાચાર એજન્સી સિન્હુઆના જણાવ્યા અનુસાર અફઘાન પોલીસ, સેના અને નાટોના નેતૃત્વવાળી સેનાઓના સાર-એ-પુલ, કંધાર, વારદાક, હેરાત, ફારહ, ઘોર અને હેલમંદ પ્રાંતમાં સંયુક્ત રીતે કાર્યવાહી હાથ ધરવામાં આવી હતી. આ કાર્યવાહીમાં 22 તાલિબાની આતંકવાદીની ધરપકડ કરવામાં આવી છે.

જોકે મંત્રાલયે આ કાર્યવાહીમાં સુરક્ષાદળો અંગે કોઇ જાણકારી આપી નથી. તાલિબાને આ અંગે કોઇ પ્રતિક્રિયા જાહેર કરી નથી.