ચીનમાં ધરા ધ્રુજી, 72ના મોત, 600 ઘાયલ

By Kumar Dushyant

Published: Saturday, April 20, 2013, 11:06 [IST]

બીજિંગ, 20 એપ્રિલ: દક્ષિણી ચીનના સિચુઆન પ્રાંતમાં શનિવારે સવારે 7.0ની તિવ્રતાના શક્તિશાળી ભૂકંપમાં ઓછામાં ઓછા 72 લોકોના મોત નિપજ્યાં છે અને 600થી વધુ લોકોને ઇજા પહોંચી છે. યાઆન શહેરના લુશાન વિસ્તારમાં સવારે 8.02 વાગે ભૂકંપના ઝટકા અનુભવાયા હતા. આયાનથી 140 કિમી દૂર સ્થિત સિચુઆનના મુખ્ય શહેર ચેંગડુ ભૂકંપથી સૌથી વધુ પ્રભાવિત છે.

ભૂકંપનું કેન્દ્ર 30.3 ડિગ્રી ઉત્તર અક્ષાંક્ષ અને 103.0 ડિગ્રી પૂર્વી દેશાંતર પર ભૂમિમાં 13 કિલોમીટરના ઉંડાણ પર હતો. આ વિસ્તારમાં 7.0 તીવ્રતાના ભૂકંપ બાદ કેટલીક જગ્યાએ ભૂકંપના કેટલાક ઝટકા અનુભવાયા હતા. લુશાન અને બાઓઝિંગના સીમાવર્તી વિસ્તારમાં સવારે 8.07 વાગે 5.1ની તિવ્રતા ઝટકા અનુભવાયા હતા.

Published On April 20, 2013