મેક્સિકોમાં ગોળીબારની ઘટનામાં 9 લોકોના મોત, 2 ઘાયલ
સેન્ટ્રલ મેક્સિકન સ્ટેટ ગુઆનાજુતાઓના એક બારમાં ગોળીબારની ઘટના સામે આવી છે. આ ગોળીબારની ઘટનામાં 9 લોકોના મોત થયા છે. આ સાથે 2 લોકોને ગંભીર ઇજાઓ પહોંચી છે.
સેન્ટ્રલ મેક્સિકન સ્ટેટ ગુઆનાજુતાઓના એક બારમાં ગોળીબારની ઘટના સામે આવી છે. આ ગોળીબારની ઘટનામાં 9 લોકોના મોત થયા છે. આ સાથે 2 લોકોને ગંભીર ઇજાઓ પહોંચી છે. સ્થાનિક અધિકારીઓના જણાવ્યા અનુસાર, એક સશસ્ત્ર જૂથે બુધવારના રોજ રાત્રે 9 કલાકે સેલેયાની બહાર અપાસિયો અલ આલ્ટો શહેરના બારમાં પહોંચ્યા હતા અને ત્યાં હાજર લોકો પર ગોળીબાર કર્યો હતો.
ગુઆનાજુતાઓના સ્ટેટ પોલીસના જણાવ્યા અનુસાર, આ ઘટનામાં 5 પુરૂષ અને 4 મહિલાઓના મોત થયા હતા. આ ઘટનામાં અન્ય મહિલાઓ ઘાયલ થઇ છે.
ગોળીબારમાં 9ના મોત, 2 ઘાયલ
સ્થાનિક અધિકારીઓએ જણાવ્યું કે હુમલાખોરોની ઓળખ થવાની બાકી છે. તે જ સમયે, આ ઘટના બાદ રાજ્ય અને સંઘીય અધિકારીઓ તેમજ નેશનલ ગાર્ડના એકમોને ઘટના સ્થળે મોકલવામાં આવ્યા છે. તે જ સમયે, આ ઘટના બાદ ગુનેગારોએ એક પોસ્ટર પણ છોડી દીધું છે, પરંતુ પોલીસ હજુ સુધી આરોપીઓને ઓળખી શકી નથી.
સશસ્ત્ર ગુનેગારોએ અંધાધૂંધ ગોળીબાર કર્યો
મીડિયા રિપોર્ટ્સ અનુસાર બુધવારની રાત્રે સ્થાનિક સમયાનુસાર લગભગ 9 કલાકે હથિયારધારી લોકોનું એક જૂથ બારમાં પહોંચ્યું હતું. જ્યાં ગેંગના કેટલાક ગુનેગારોએ ગોળીબાર કર્યો હતો અને ધમકીભર્યા પેમ્ફલેટ પણ છોડી દીધા હતા.
મેક્સિકોમાં ગોળીબારની ઘટના
આ પહેલા મેક્સિકોના મેક્સિકન સિટી હોલમાં સામૂહિક ગોળીબારમાં ઓછામાં ઓછા 18 લોકો માર્યા ગયા હતા. માર્યા ગયેલા લોકોમાં મેયરકોનરાડો મેન્ડોઝા, મેયરના પિતા અને ભૂતપૂર્વ મેયર જુઆન મેન્ડોઝા અને મ્યુનિસિપલ પોલીસ અધિકારીઓનો સમાવેશ થાય છે.
આસિવાય રિપોર્ટમાં કહેવામાં આવ્યું છે કે, બંદૂકધારીએ રોડ પર જઈને બસો અને અન્ય વાહનોમાં આગ લગાવી દીધી હતી. સોશિયલ મીડિયાપર પોસ્ટ કરાયેલા એક વીડિયોમાં, ગુનાહિત જૂથ લોસ ટેકિલરોસે હુમલાની જવાબદારી સ્વીકારી છે.
મેક્સિકોમાં દરરોજ ગોળીબારનીઘટનાઓ બને છે. અહીં અવારનવાર ગેંગ વોર થાય છે. આ વખતે પણ જે ગોળીબાર થયો છે, તે પણ ગેંગ વોર કહેવામાં આવી રહી છે. પોલીસ આ મામલે તપાસ કરી રહી છે
Click it and Unblock the Notifications
Sign in with Google
