અફઘાનિસ્તાન: પ્રદર્શન કરતા લોકો પર તાલિબાને કર્યો ગોળીબાર, ઓફીસો પર અફઘાન ધ્વજની કરી રહ્યાં હતા માંગ
અફઘાનિસ્તાન પર તાલિબાનોના કબજા બાદ ગભરાટનું વાતાવરણ છે. દરમિયાન, જલાલાબાદ શહેરમાં તાલિબાનોએ ગોળીબાર કર્યો હોવાના અહેવાલો સામે આવી રહ્યા છે. અફઘાનિસ્તાનના જલાલાબાદ શહેરના લોકો તાલિબાનના ધ્વજને બદલે ઓફિસો પર અફઘાન ધ્વજને ફ
અફઘાનિસ્તાન પર તાલિબાનોના કબજા બાદ ગભરાટનું વાતાવરણ છે. દરમિયાન, જલાલાબાદ શહેરમાં તાલિબાનોએ ગોળીબાર કર્યો હોવાના અહેવાલો સામે આવી રહ્યા છે. અફઘાનિસ્તાનના જલાલાબાદ શહેરના લોકો તાલિબાનના ધ્વજને બદલે ઓફિસો પર અફઘાન ધ્વજને ફરીથી લહેરાવવાની માંગ કરવા માટે બુધવારે રસ્તા પર ઉતરી આવ્યા હતા. જે બાદ તાલિબાન લડવૈયાઓએ પ્રદર્શનકારીઓ પર ગોળીબાર કર્યો હતો.
કાબુલ ન્યૂઝ અનુસાર જલાલાબાદમાં લોકોએ તાલિબાન શાસન વચ્ચે કેટલીક ઓફિસો પર અફઘાન ધ્વજ લગાવ્યા હતા, જેને તાલિબાને દૂર કરવાનો અને પોતાનો ધ્વજ લગાવવાનો પ્રયાસ કર્યો હતો. આ દરમિયાન, લોકો તાલિબાન સાથે અથડાયા. તાલિબાનોએ ગોળીબાર કર્યો. જેમાં એક વ્યક્તિના મોતના સમાચાર છે. તાલિબાન લડવૈયાઓએ વિરોધ પ્રદર્શનને કવર કરતા કેટલાક પત્રકારોને પણ માર માર્યો છે.
સોશિયલ મીડિયા પ્લેટફોર્મ ટ્વિટર પર શેર કરવામાં આવેલા વીડિયોમાં સેંકડો લોકોને અફઘાન ધ્વજ સાથે કૂચ કરતા જોઈ શકાય છે. 2001 પછી આવું પહેલીવાર બન્યું છે. જ્યારે તાલિબાનને ઘણી જગ્યાએ સામાન્ય લોકોના વિરોધનો સામનો કરવો પડે છે. અગાઉ કેટલીક મહિલાઓએ શેરીઓમાં ઉભા રહીને તાલિબાન લડવૈયાઓનો વિરોધ કર્યો હતો. જોકે આ મહિલાઓને તાલિબાન દ્વારા કોઈ નુકસાન થયું નથી.
Breaking:
— Najeeb Nangyal (@NajeebNangyal) August 18, 2021
Protestors in Jalalabad city want the national flag back on offices & rejects Taliban terrorists’ flag. Taliban openly fires at protestors. Reports of casualties. pic.twitter.com/EFoy4oh3uT
સોશિયલ મીડિયા પર શેર કરવામાં આવેલા વીડિયોમાં મહિલાઓને સામાજિક સુરક્ષા, કામ કરવાનો અધિકાર, શિક્ષણનો અધિકાર અને રાજકીય ભાગીદારીના અધિકાર સહિતના તેમના અધિકારોની માંગણી કરતા સાંભળી શકાય છે. 15 ઓગસ્ટના રોજ આતંકવાદી જૂથે અફઘાનિસ્તાન પર કબજો મેળવ્યો ત્યારથી આ વિરોધ તાલિબાન સામે બળવો થવાના પ્રથમ સંકેતો છે. ઘણા અફઘાન દેશ છોડીને ભાગી ગયા છે અને હજારો હજુ પણ કાબુલ એરપોર્ટ પર ફ્લાઇટમાં બેસવાની રાહ જોઈ રહ્યા છે.