અમેરિકાની મહિલાઓ સેક્સ સ્ટ્રાઈક પર ઉતરી, જાણો શું છે પુરો મામલો?
યુએસ સુપ્રીમ કોર્ટે એક સીમાચિહ્નરૂપ નિર્ણયમાં ગર્ભપાતને કાયદેસર રીતે માન્યતા આપનારા 50 વર્ષના નિર્ણયને રદ કર્યો છે. ત્યારથી લોકો સમગ્ર અમેરિકામાં બે કેમ્પમાં વહેંચાયા છે.
વોશિંગ્ટન, 27 જૂન : યુએસ સુપ્રીમ કોર્ટે એક સીમાચિહ્નરૂપ નિર્ણયમાં ગર્ભપાતને કાયદેસર રીતે માન્યતા આપનારા 50 વર્ષના નિર્ણયને રદ કર્યો છે. ત્યારથી લોકો સમગ્ર અમેરિકામાં બે કેમ્પમાં વહેંચાયા છે. આ આદેશના વિરોધમાં હવે મહિલાઓ અનોખી સેક્સ સ્ટ્રાઈક પર જઈ રહી છે. અમેરિકામાં મહિલાઓ પુરુષો સાથે સેક્સ ન કરવાની ધમકી આપી રહી છે.
26 રાજ્યોમાં પ્રતિબંધો લાગી શકે છે
અમેરિકામાં ગર્ભપાત પર સુપ્રીમ કોર્ટના નિર્ણય બાદ હવે 26 રાજ્યોમાં ગર્ભપાત પર પ્રતિબંધ લગાવી શકાય છે, જેનો મહિલાઓ ઉગ્ર વિરોધ કરી રહી છે. આ હેઠળ તે દેશમાં જ્યાં સુધી ગર્ભપાતને કાયદેસર ન કરવામાં આવે ત્યાં સુધી પુરુષો સાથે સેક્સ ન કરવા માટે આહવાન કરી રહી છે.
પુરુષો પાસે સહકાર માંગ્યો
મહિલાઓની આ અનોખી સેક્સ સ્ટ્રાઈકની માંગને સોશિયલ મીડિયા પર ઘણી લોકપ્રિયતા મળી છે. આ સેક્સ સ્ટ્રાઈક હેઠળ મહિલાઓ પુરુષોને ત્યાં સુધી સેક્સથી દૂર રહેવા માટે કહી રહી છે જ્યાં સુધી ગર્ભપાતનો અધિકાર ફેડરલ કાયદો બની ન જાય. આ ચળવળમાં મહિલાઓ પણ પુરૂષો પાસેથી સહકાર માંગી રહી છે.
અમારા શરીર પર પુરુષોનો કોઈ અધિકાર નહીં
આ મહિલાઓનું કહેવું છે કે જો આપણા શરીર પર આપણો અધિકાર નથી તો પુરુષોનો પણ તેના પર અધિકાર નથી. અમે તેમને અમારા શરીરનો ઉપયોગ કરવા નહીં દઈએ. એક યુઝરે ટ્વીટ કર્યું, 'હું ન્યૂયોર્કમાં રહું છું અને સુપ્રીમ કોર્ટના નિર્ણયની વિરુદ્ધ છું. હું એવા લોકોને શોધી રહ્યી છું જેઓ સેક્સ હડતાલને સમર્થન આપી રહ્યાં છે. આ આપણી તાકાત છે. જ્યાં સુધી ગર્ભપાત અધિકાર ફેડરલ કાયદો ન બને ત્યાં સુધી સેક્સ ન કરો.
મહિલાઓને એક કરવા માંગ
એક ટ્વિટર યુઝરે લખ્યું કે, અમેરિકાની મહિલાઓએ નિર્ણય લેવો જોઈએ, કારણ કે અમે અનિચ્છનીય ગર્ભાવસ્થાનું જોખમ ઉઠાવી શકતા નથી. એટલા માટે અમે કોઈ પુરુષ સાથે કે પછી પતિ સાથે પણ સેક્સ નહીં કરીએ. જ્યાં સુધી આપણે ગર્ભવતી થવા ન માંગીએ.
સોશિયલ મીડિયા પર ટ્રેન્ડ
#SexStrike ની સાથે, #abstinence પણ ટ્વિટર પર ટ્રેન્ડ કરી રહ્યું છે. અન્ય એક મહિલાએ દેશવ્યાપી સેક્સ હડતાલની માંગ કરતા કહ્યું કે, "જ્યાં સુધી મહિલાઓને ગર્ભપાતનો અધિકાર ન મળે ત્યાં સુધી તેમણે પુરૂષો સાથે સેક્સ ન કરવું જોઈએ."