બોસ્ટન બ્લાસ્ટ: 23 કલાક બાદ બીજા શંકાસ્પદ વ્યક્તિની ધરપકડ
આ ધરપકડ બોસ્ટન મેરેથોન સ્થળ પર સોમવારે થયેલા બે વિસ્ફોટોના ચાર દિવસ બાદ કરવામાં આવી છે. વિસ્ફોટમાં ત્રણ લોકોના મોત નિપજ્યાં હતા તથા 180થી વધુ લોકો ધાયલ થયા હતા. સારનાઇવને બોસ્ટનના ઉપનગર વોટરટાઉનની હોડીમાંથી ધરપકડ કરવામાં આવી હતી. સીએનએન ચેનલે એક અધિકારીના હવાલેથી જણાવ્યું હતું કે તેની ધરપકડ કરવામાં આવી છે.
ચેનલના જણાવ્યા અનુસાર તેના કર્મચારીઓને ઘટનાસ્થળ પર ગોળીબારનો અવાઝ સંભળાયો હતો પરંતુ તે જાણી શકાયું નથી કે આ ગોળીબારી શંકાસ્પદ વ્યક્તિ દ્રારા કે અધિકારીઓ દ્રારા કરવામાં આવી છે કે પછી બંને દ્રારા કરવામાં આવી છે. આ ઉપરાત નાના ધમાકાનો અવાજ સંભળાયો હતો. અધિકારીઓએ તેને આત્મસમર્પણ કરવાનો વિકલ્પ આપ્યો હતો. વોટરટાઉનમાં પોલીસની મુઠભેડમાં તેનો ભાઇ ટૈમરલૈન સારનાઇવ મોતને ભેટ્યો હતો જ્યારે તે નાસી છુટવામાં સફળ રહ્યો હતો. અધિકારીઓએ જોખરની ધરપકડ પહેલાં તેની પાસેથી હથિયાર અને વિસ્ફોટક હોવાની આશંકા વ્યક્ત કરી હતી.
રૂસના વિવાદાગ્રસ્ત મુસ્લિમ વિસ્તાર ચેચન્યા નિવાસી બંને ભાઇઓનો જન્મ ક્રિર્ગીસ્તાનમાં થયો છે અને તે એક દાયકાથી અમેરિકામાં આવ્યાં હતા. નાના ભાઇને ગત વર્ષે સપ્ટેમ્બરમાં અમેરિકાનું નાગરિત્વ મળી ગયું હતું. આ અભિયાન દરમિયાન ગવર્નર ડેવૈલ પૈટરિકે શહેરના 10 લાખ લોકોને ઘરમાં તથા સતર્ક રહેવાનો આદેશ આપ્યો છે. સીએનએના જણાવ્યા મુજબ મેસાચુએટ્સ રાજ્યના પોલીસ અધિક્ષકે કહ્યું હતું કે તપાસકર્તાઓએ ઘટનાસ્થળેથી ઘરેલૂ વિસ્ફોટક પકડી પાડ્યાં હતા. હજુ સુધી સ્પષ્ટ થઇ શક્યું નથી કે આ વિસ્ફોટક કયા પ્રકારના છે.
સીએનએનના જણાવ્યા અનુસાર એક સૂત્રએ જણાવ્યું હતું કે ટૈમરલૈન સારનાઇવનના મોતના સમયે તેના શરીર પર વિસ્ફોટક બાંધેલા હતા. પોલીસના જણાવ્યા અનુસાર આ બંને ભાઇઓએ મૈસાચુસેટ્સ ઇસ્ટીટ્યુટ ઓફ ટેક્નોલોજીના પોલીસ અધિકારી શોન કોલિયરની હત્યા કર્યા બાદ તેમની કાર ચોરી લીધી હતી.
Click it and Unblock the Notifications
Sign in with Google
