નિજ્જરની હત્યા પર કેનેડાએ કોઈ પુરાવા નથી આપ્યા, ભારતીય સુરક્ષા અધિકારીઓએ ટ્રુ઼ડોના દાવાની ખોલી પોલ

India Canada Row: ટોચના ભારતીય સુરક્ષા અધિકારીઓએ કહ્યું છે કે કેનેડાએ ખાલિસ્તાની આતંકવાદી હરદીપ નિજ્જરની હત્યા અંગે કોઈ પુરાવા શેર કર્યા નથી. સુરક્ષા અધિકારીઓએ જણાવ્યું કે કેનેડાએ હરદીપ નિજ્જરની હત્યામાં ભારતીય ગુપ્તચર એજન્સીઓની સંભવિત સંડોવણી અંગે કોઈપણ સ્તરે ભારત સાથે કોઈ પુરાવા શેર કર્યા નથી.

કેનેડાના વડાપ્રધાન જસ્ટિન ટ્રુડોએ દાવો કર્યો છે કે હરદીપ સિંહ નિજ્જરની હત્યાના પુરાવા થોડા સમય પહેલા ભારત સાથે શેર કરવામાં આવ્યા હતા. પીએમ જસ્ટિન ટ્રુડોએ કેનેડાની સંસદમાં કહ્યું હતું કે નિજ્જરની હત્યામાં ભારતની ભૂમિકા હતી. જો કે ભારતે આ આરોપોને ફગાવી દીધા હતા.

હિંદુસ્તાન ટાઈમ્સના અહેવાલ મુજબ, ટોચના ભારતીય સુરક્ષા અધિકારીઓએ નામ ન આપવાની શરતે કહ્યું કે ઓટાવા કે વૉશિંગ્ટન ડીસીએ દિલ્હીમાં જી-20 સમિટ પહેલા ખાલિસ્તાન ટાઈગર ફોર્સના વડા હરદીપ સિંહ નિજ્જરની હત્યા અંગે કોઈપણ ગુપ્ત માહિતી ભારતને જાણ કરી નથી.

કેનેડાના રાષ્ટ્રીય સુરક્ષા સલાહકાર જોડી થોમસ G-20 સમિટ પહેલા ભારતીય ગુપ્તચર વડા અને તેના ભારતીય સમકક્ષને મળ્યા હતા પરંતુ નિજ્જરની હત્યામાં ભારતીય સંડોવણીના સંકેત આપતા કોઈ પુરાવા શેર કર્યા ન હતા, અધિકારીઓએ જણાવ્યું હતું.

હજુ સુધી એ સ્પષ્ટ નથી થયું કે આ મુદ્દો પણ ઉઠાવવામાં આવ્યો હતો કે નહીં. ફાઈનાન્સિયલ ટાઈમ્સ અનુસાર, અમેરિકા, બ્રિટન અને કેનેડાએ G20 સમિટ દરમિયાન નવી દિલ્હી સાથે અલગથી આ મુદ્દો ઉઠાવ્યો હતો. એક અધિકારીએ કહ્યું, "વિશ્વસનીય આરોપો એક વિરોધાભાસ છે. કેનેડાના વડા પ્રધાન જસ્ટિન ટ્રુડોએ સંસદમાં આપેલા નિવેદન અને આરોપો બાદથી અમે કહી રહ્યા છીએ કે કોઈ પુરાવા શેર કરવામાં આવ્યા નથી.

English summary

Canada did'nt share any evidence on Hardeep Nijjar's Death says Indian officials.