પાકિસ્તાનમાં ન્યુક્લિયર પાવર પ્લાન્ટ, ચીને કરી ખરાઇ

પેઇચિંગ, 26 માર્ચ: ચીને પાકિસ્તાનમાં 1000 મેગાવોટનું ન્યૂક્લિયર પાવર પ્લાન્ટ બનાવવાના કરારનો બચાવ કર્યો છે. તેણે તમામ આરોપોને રદિયો આપીને એક તરફે આ ડીલની ખરાઇ કરવા પર મોહર પણ લગાવી દીધી છે. ચીને જણાવ્યું તે તેણે આઇએઇએનું સંપૂર્ણપણે ધ્યાન રાખ્યું છે, અને એનએસજીના કોઇ પણ નિયમનો ભંગ કર્યો નથી.

ચીન વિદેશ મંત્રાલયના પ્રવક્તા હાંગ લીએ પત્રકારો સાથેની વાતચીતમાં સોમવારે જણાવ્યું કે ચીને આ સંબંધમાં મીડિયા અહેવાલોને જોયો છે. તેમણે વોશિંગ્ટનના હવાલાથી પ્રકાશિત મીડિયા રિપોર્ટને લઇને સવાલોના જવાબ આપ્યા.

આ રિપોર્ટ અનુસાર ચીને ગુપ્તરીતે પાકિસ્તાનના પંજાબમાં ચશ્મામાં ન્યુક્લિયર પાવર પ્લાન્ટ સ્થાપિત કરવા માટે એક કરાર કરવામાં આવ્યો છે. પ્રવક્તાએ જણાવ્યું કે આ ડીલ સાથે 46 સભ્યોવાળી ન્યૂક્લિયર સપ્લાયર્સ ગ્રુપના કોઇ પણ રેગ્યુલેશનનો ભંગ કર્યો નથી.

English summary

China defends deal to build 1000 MW nuclear plant for Pakistan.