ઈસ્ટર બ્લાસ્ટ બાદ ફરી એકવાર કંપકપાવી ઉઠ્યું શ્રીલંકા, અન્ય ત્રણ વિસ્ફોટ થયા

Published: Saturday, April 27, 2019, 7:27 [IST]

કોલંબોઃ શ્રીલંકાની રાજધાની કોલંબોમાં કેટલાય ચર્ચો અને હોટલોમાં બોમ્બ બ્લાસ્ટના થોડા દિવસ બાદ શુક્રવારે કલમુનાઈ શહેરના સદ્દામારુડુ વિસ્તારમાં વધુ ત્રણ વિસ્ફોટના અહેવાલ છે. જો કે અત્યાર સુધી જે જાણકારી મળી છે તે મુજબ આ બ્લાસ્ટમાં કોઈ પ્રકારનું નુકસાન થયું નથી. આ વિસ્ફોટ ત્યારે થયો જ્યારે સુરક્ષાબળ ઈસ્ટરના મોકા પર રવિવારે થયેલ ધમાકા સાથે જોડાયેલ સંદિગ્ધોની તલાશ કરી રહ્યા હતા.

દરોડા દરમિયાન શ્રીલંકાઈ પોલીસને ઘટના સ્થળેથી ઈસ્લામિક સ્ટેટની વર્દી, આઈએસઆઈએસના ઝંડા, 150 ગ્રામ વિસ્ફોટક પદાર્થ, 100000 બૉલ બેયરિંગ અને સામન્થુરાઈમાં એક ડ્રોન કેમેરો મળી આવ્યો. પોલીસ પ્રવક્તાએ જણાવ્યું કે શ્રીલંકાની રાજધાની કોલંબો નજીક કસ્બામાં આ વિસ્ફોટ થયો છે. જો કે આ ઘટનામાં કોઈ જાનહાનીના અહેવાલ મળ્યા છે.

Fresh explosions hit Sri Lanka

Read @ANI story | https://t.co/Q6q3NSm1ve pic.twitter.com/nD0GszCr3T
— ANI Digital (@ani_digital) April 26, 2019

પોલીસે કહ્યું કે પુગોડામાં મેજિસ્ટ્રેટ અદાલતની પાછળ ખાલી પડી રહેલ જમીન પર આ બ્લાસ્ટ થયો છે, જ્યાં પોલીસ તપાસ કરવા ગઈ હતી. જણાવી દઈએ કે 21 એપ્રિલે ઈસ્ટરના અવસર પર કોલંબોમાં ચર્ચ અને હોટલોમાં કુલ 8 બ્લાસ્ટ થયા હતા. આ ધમાકો એવા સમયે થયો જ્ારે લોકો ઈસ્ટરના અવસર પર ચર્ચમાં ઉપસ્થિત હતા.

બીજી બાજુ શ્રીલંકાના પીએમ રાનિલ વિક્રમસિંઘેએ ઈસ્ટરના દિવસે થયેલ વિસ્ફોટને રોકવામાં નાકામ રહેવા બદલ શુક્રવારે દેશના લોકોની માફી માંગી છે. તેમણે કહ્યું કે ઘટના રોકવામાં વિફળ રહેવા માટે પોતાના નાગરિકોની માફી માંગે છે, આપણા ચર્ચનું પુનઃનિર્માણ કરવા, અર્થવ્યવસ્થાને પટરી પર લાવવા અને આતંકવાદને રોકવા માટે બધા જ પગલાં ઉઠાવવા સંકલ્પ લઈએ છીએ.

Published On April 27, 2019