Twitterના માલિક બન્યા બાદ Elon Musk એ કર્યું ટ્વીટ, પરાગ અગ્રવાલની હાંકલપટ્ટી બાદ કહી આ વાત

દુનિયાના સૌથી અમીર વ્યક્તિ એલોન મસ્કે ટ્વીટર ખરીદી લીધું છે. તેમણે ટ્વીટરના માલીક બનીને પ્રથમ ટ્વીટ કર્યું હતું. જેમાં તેમણે લખ્યું હતું કે, ચકલીને આઝાદ કરી દેવામાં આવી છે. ઉલ્લેખનીય છે કે, ટ્વીટરના લોગો પર ઉડતી ચકલીનું નિશાન છે. આ સાથે તેમણે આ ડીલ ફાઇનલ થઇ ગયા બાદ ટ્વીટના CEO પરાગ અગ્રવાલને ટર્મીનેટ કરવામાં આવ્યા છે.

બે અન્ય વરિષ્ઠ અધિકારીઓની હાંકલપટ્ટી થશે

ઉલ્લેખનીય છે કે, પરાગ અગ્રવાલ અને એલોન મસ્ક વચ્ચે લાંબા સમયથી વિવાદ ચાલી રહ્યો હતો. જે કારણે એવી સંપૂર્ણ શક્યતા હતી કે, પરાગ અગ્રવાલની હાંકલ પટ્ટી કરવામાં આવશે. આ વચ્ચે એવા પણ અહેવાલ છે કે, આ ડીલ ફાઇનલ થયા બાદ પરાગ અગ્રવાલ સાથે ટ્વીટરના બે અન્ય વરિષ્ઠ અધિકારીઓની હાંકલપટ્ટી કરવામાં આવશે.

એલોન મસ્કે કેવી રીતે ખરીદ્યું ટ્વિટર

જોકે, એલોન મસ્ક પહેલા જ ટ્વિટરમાં લગભગ 9 ટકા હિસ્સો ખરીદી ચૂક્યા હતા, પરંતુ આ વર્ષે 13 એપ્રીલે તેમણે જાહેરમાં પહેલીવારટ્વિટર ખરીદવાની ઓફર કરી હતી.

આ માટે તેમણે ટ્વીટર બોર્ડને 54.20 ટકા પ્રતિ શેરના ભાવે 44 બિલિયન ડોલરની ઓફર કરી, પરંતુ બાદમાં એલોન મસ્ક તેની ડીલમાંથી પીછેહઠ કરતો દેખાયો અને તેની પાછળ ફેક એકાઉન્ટ્સનો ઉલ્લેખ કર્યો હતો.

આ અંગે સીઈઓ પરાગ અગ્રવાલ અને એલોન મસ્ક વચ્ચે પણ ઘણી ચર્ચા થઈ હતી. આવા સમયે એલોન મસ્કે સ્પામ એકાઉન્ટ્સને ટાંકીને સોદો હોલ્ડ પર રાખ્યો હતો.

કોર્ટે કર્યો આવો આદેશ

એલોન મસ્કના ટ્વીટર ડીલને હોલ્ડ પર રાખ્યા પછી, ટ્વીટરે કોર્ટનો સંપર્ક કર્યો હતો અને પછી યુએસ કોર્ટે આ 27 ઓક્ટોબર સુધીમાંએલોન મસ્કને ખરીદવા કે નહીં તે અંગે અંતિમ નિર્ણય લીધો હતો.

કોર્ટનો સમય પૂરો થાય તે પહેલા જ, એલોન મસ્ક એક દિવસ પહેલાઅચાનક ટ્વિટરના હેડક્વાર્ટરમાં વોશ બેસિન સાથે દેખાયા હતા અને ત્યારથી એવી અટકળો ચાલી રહી હતી કે, એલોન મસ્ક ટ્વીટર ખરીદવાનોઅંતિમ નિર્ણય લઈ શકે છે અને હવે તેણે ટ્વીટરે ખરીદીની સત્તાવાર જાહેરાત કરી છે.

ડીલમાં આવી રહી હતી સમસ્યા?

અહેવાલો અનુસાર, ટ્વીટર એક્વિઝિશનના માર્ગમાં એલોન મસ્ક સામેનો સૌથી મોટો પડકાર ધિરાણનો હતો. મોર્ગન સ્ટેન્લી અને બેંક ઓફઅમેરિકા સહિત બેંકોના જૂથે આ વર્ષની શરૂઆતમાં મસ્કને ટ્વીટર ખરીદવા અને તેને ખાનગી લેવા માટે જરૂરી 12.5 બિલિયન ડોલર લોન પર હસ્તાક્ષર કર્યા હતા.

એલોન મસ્ક અને બેંકો વચ્ચે થયેલા કરાર મુજબ બેંકો એલોન મસ્કને ડીલ ફાઈનલ કરવા માટે લોન આપવા બંધાયેલી હતી, પરંતુ એપ્રીલ મહિના બાદ અર્થતંત્ર અને માર્કેટમાં આવેલા ફેરફારોએ બેંકો માટે એલોન મસ્કને લોન આપી હતી.

આવા સમયે એલોન મસ્કે પણ તેમના એક ટ્વીટમાં જણાવ્યું હતું કે, તેમનું જૂથ માને છે કે, ટ્વીટરની કિંમત તેની મૂળ કિંમત કરતા ઘણી વધારે મૂકવામાં આવી છે.

CEOને હટાવ્યા, કર્મચારીઓનું શું થશે?

ટ્વીટર ડીલ ફાઈનલ થયાની થોડી જ મિનિટો બાદ, એલોન મસ્કએ સીઈઓ પરાગ અગ્રવાલને બરતરફ કર્યા છે, સીએફઓ નેડ સેગલનેટર્મિનેટ કર્યા અને તેમને ટ્વિટર હેડક્વાર્ટરમાંથી બહાર કાઢ્યા છે.

જે બાદ સવાલો ઉઠી રહ્યા છે કે, શું હવે એલોન મસ્ક મોટા પાયેકર્મચારીઓની છટણી કરશે? એલોન મસ્કે ટ્વીટર હેડક્વાર્ટર વિશે પોતાના એક જૂના ટ્વીટમાં જણાવ્યું હતું કે, ટ્વીટર હેડક્વાર્ટરને 'બેઘરનુંઘર'માં બદલવું જોઈએ, કારણ કે વાસ્તવમાં અહીં બહુ ઓછા લોકો કામ કરી રહ્યા છે, બાકીના બેઠા બેઠા પગાર ખાય છે.

the bird is freed

— Elon Musk (@elonmusk) October 28, 2022

કર્મચારીઓને કાઢી મૂકવાનો ઇન્કાર

ગયા અઠવાડિયે, વોશિંગ્ટન પોસ્ટે એક અહેવાલમાં દાવો કર્યો હતો કે, એલોન મસ્કે તેના રોકાણકારોને જણાવ્યું છે કે, જો તે ટ્વીટરનો માલિકબનશે, તો તે ટ્વીટરના 7500 કર્મચારીઓમાંથી ત્રણ ચતુર્થાંશ કર્મચારીઓને નોકરીમાંથી કાઢી નાખશે.

જેના પછી ટ્વીટર કર્મચારીઓમાંગભરાટ ફેલાયો હતો. વોશિંગ્ટન પોસ્ટે તેના અહેવાલમાં પરિચિત દસ્તાવેજો અને અનામી સ્ત્રોતોને ટાંક્યા હતા, પરંતુ જ્યારે એલોન મસ્કટ્વીટર કર્મચારીઓને મળ્યા ત્યારે તેમણે ખાતરી આપી હતી કે, તેઓ કર્મચારીઓની છટણી નહીં કરે.

English summary

Elon Musk got excited after buying Twitter, said gave such statement