ત્રીજા બાળકને જન્મ આપો અને ઇનામ લઇ જાવ, જાણો શું છે સ્કિમ?
ચીન દેશની બદલાતી વસ્તીને નિયંત્રિત કરવા માટે સખત પ્રયાસો કરી રહ્યું છે. તેની એક મોટી ચિંતા યુવાનોની ઘટતી જતી વસ્તી છે, જેના માટે તેણે આ વર્ષે મે મહિનામાં તેની નીતિમાં મોટો ફેરફાર કર્યો છે.
બેઇજિંગ : ચીન દેશની બદલાતી વસ્તીને નિયંત્રિત કરવા માટે સખત પ્રયાસો કરી રહ્યું છે. તેની એક મોટી ચિંતા યુવાનોની ઘટતી જતી વસ્તી છે, જેના માટે તેણે આ વર્ષે મે મહિનામાં તેની નીતિમાં મોટો ફેરફાર કર્યો છે. આ બદલાયેલી નીતિ હેઠળ ચીનમાં કૌટુંબિક યુગલો પર હવે ત્રણ સંતાનો પેદા કરવા માટે વિવિધ રીતે દબાણ કરવામાં આવી રહ્યું છે.
ચીનની સ્થાનિક સરકારો દ્વારા યુવા દંપતીઓને આગામી દાયકાઓની ચિંતા દૂર કરવા ત્રીજા બાળક માટે કહી રહ્યું છે. આ નીતિ હેઠળ ચીનની સ્થાનિક સરકારે ત્રીજા બાળક ધરાવતા દંપતીઓને રોકડ પુરસ્કારો તેમજ અન્ય સુવિધાઓ આપવાનું શરૂ કર્યું છે.
ચીનમાં ત્રીજા બાળકના જન્મ પર રોકડ
ચીનના ગાનસુ પ્રાંતની લિન્જે કાઉન્ટીએ ત્રણ સંતાનો ધરાવતા યુગલો માટે રાજ્યની તિજોરી ખોલી છે. બ્લૂમ બર્ગના એક રિપોર્ટ અનુસાર, અહીં દંપતીનું ત્રીજું બાળકજન્મે કે તરત જ તેમને એક જ રકમમાં 5,000 યુઆન (લગભગ 57,000 રૂપિયા) આપવામાં આવી રહ્યા છે.
આ માહિતી સ્થાનિક સરકાર દ્વારા ચીની સોશિયલ મીડિયાવીચેટ પર એક પોસ્ટ દ્વારા આપવામાં આવી છે, જ્યારે બાળક 3 વર્ષનું થવાનું છે, ત્યારે તેને પ્રથમ વર્ષમાં 10,000 યુઆન (લગભગ 1 લાખ 14 હજાર રૂપિયા)આપવાની જોગવાઈ પણ કરવામાં આવી છે.
આ સાથે સ્થાનિક સત્તાવાળાઓએ આવા પરિવારોને સ્કૂલની ફી અને બાળકો માટે મકાનોની ખરીદીમાં સબસિડી આપવાનુંવચન પણ આપ્યું છે. જ્યારે જેમને 1 કે 2 બાળકો છે, તેમને માત્ર નજીવી સબસિડી મળશે.
આ પ્રકારની યોજના આ અગાઉ ચીનના એક શહેરમાં શરૂ કરાઇ હતી
ચીનની શાસક કમ્યુનિસ્ટ પાર્ટી ઓફ ચાઇના તેની જૂની નીતિને કારણે જન્મ દરમાં સતત ઘટાડાથી પરેશાન છે. આ અગાઉ દક્ષિણ-પશ્ચિમ ચીનના સિચુઆન પ્રાંતમાંપાન્ઝિહુઆ વધુ બાળજન્મ નીતિને પ્રોત્સાહિત કરવા માટે એક વખતની રોકડ ચૂકવણી આપનાર દેશનું પ્રથમ શહેર બન્યું હતું.
આ વર્ષે મે મહિનામાં ચીને ઘટતા જન્મદરને નિયંત્રિત કરવાના તેના એક નિર્ણયથી બધાને આશ્ચર્યચકિત કર્યા હતા. તેમણે પરિવારના યુગલોને ત્રીજા બાળકની મંજૂરી આપતી વખતે તેમના બાળકોનાઉછેરમાં માતાપિતા પાસેથી મદદની ખાતરી પણ આપી હતી.
લિન્જેમાં વસ્તી ઝડપથી ઘટવા લાગી છે
લિન્જે કાઉન્ટીએ હવે જે યોજના શરૂ કરી છે, તેનું કારણ એ છે કે તે વિસ્તારમાં સ્થાનિક રહેવાસીઓની સંખ્યા ખૂબ જ ઝડપથી ઘટવા લાગી છે. તાજેતરની વસ્તીગણતરીમાં ત્યાંની વસ્તી 10 વર્ષ પહેલાની સરખામણીમાં ભયજનક 22,000 ઘટી છે.
સ્થાનિક આરોગ્ય અધિકારી જિયા યોંગમિંગને ટાંકીને બેઇજિંગ યુથ ડેઇલીનાઅહેવાલમાં આ માહિતી આપવામાં આવી છે. કાઉન્ટીની સરકારે હવે ત્રણ બાળકોની પ્રોત્સાહન યોજના દ્વારા 2020 થી 2030 સુધીમાં સ્થાનિક વસ્તીમાં 9 ટકા વૃદ્ધિનુંલક્ષ્ય નક્કી કર્યું છે.
ચીનમાં કામ કરતી વસ્તી ઘટી રહી છે
દાયકાઓથી 1 બાળ નીતિ અપનાવ્યા બાદ ચીને લોકોને વધુ બાળકો માટે અપીલ કરવાનું શરૂ કર્યું છે. તેનું મુખ્ય કારણ એ છે કે, આ નીતિને કારણે ચીનમાં કામ કરતાલોકોની વસ્તીમાં ભારે ઘટાડો થવા લાગ્યો છે.
એક અંદાજ મુજબ 2030 સુધીમાં ચીનની એક ચતુર્થાંશ વસ્તી 60 વર્ષની કે તેથી વધુ ઉંમરની હશે. આનાથી એવો ભયઉભો થયો છે કે, ચીને વધુ વસ્તીને કારણે જબરદસ્ત શ્રમ પુરવઠો આપીને જે આર્થિક વૃદ્ધિ કરી છે, તે આગામી દાયકાઓમાં મોટો આંચકો સહન કરી શકે છે, તેમજ તેસમય જેમાં યુવાનો વૃદ્ધોની સંભાળ લેવા તૈયાર છે.