મુંબઇમાં મોતનું તાંડવ રચનાર હાફિજને પાકિસ્તાને આપ્યાં 6 કરોડ રૂપિયા

ઇસ્લામાબાદ, 19 જૂન: પાકિસ્તાનનો નાપાક ચહેરો ફરી એકવાર સામે આવી ગયો છે. પાકિસ્તાન સરકારે 2008માં મુંબઇમાં આતંકવાદી હુમલો કરનાર પ્રતિબંધિત આતંકવાદી સંગઠન લશ્કર-એ-તોઇબાના નકાબી સંગઠન જમાત ઉદ દાવાના સૌથી મોટા કેન્દ્ર માટે કરોડો રૂપિયા ફાળવ્યા છે.

મળતી માહિતી મુજબ પાકિસ્તાનના પંજાબ રાજ્યની સરકારે મોસ્ટવોન્ટેડ આતંકવાદી હાફિજ સઇદના સંગઠન જમાત ઉદ દાવાના કેન્દ્ર મરકજ એ તૈયબા માટે 6.1 કરોડ પાકિસ્તાની રૂપિયાની ગ્રાન્ટ આપી છે. પાકિસ્તાનના પંજાબ પ્રાંતમાં પીએમએલ-એનની સરકાર છે અને નવાજ શરીફના ભાઇ શાહબાજ શરીફ ત્યાંના મુખ્યમંત્રી છે.

અત્રે ઉલ્લેખનીય છે કે 2008માં મુંબઇ પર થયેલા આતંકી હુમલા બાદ સંયુક્ત રાષ્ટ્ર સુરક્ષા પરિષદ દ્વારા લશ્કર-એ-તોઇબા પર પ્રતિબંધ લગાવ્યા બાદ પંજાબ સરકારે મુદિરકેમાં જમાતના કેન્દ્રને પોતાની બાનમાં લઇ લીધા હતા. તે સમયે પણ પંજાબમાં પીએમએલ-એનની સરકાર હતી. ત્યારથી માંડીને સરકાર સતત પોતાના બજેટમાં આ કેન્દ્ર માટે પૈસાની ફાળવણી કરી રહી છે. તેમનું કહેવું છે કે આ પૈસા મરકઝ-એ-તોઇબા વહીવટકર્તાને આપવામાં આવ્યા ના કે દાવાને.

English summary

Jamaat-ud-Dawa, the parent body of banned terror group Lashkar e Taiba that carried out the 2008 Mumbai attacks, has been allocated over Rs. 61 million in the budget for current fiscal by Pakistan's Punjab province government.