પાક.ની મુશ્કેલીઓ વધારે છે ભારત: અમેરિકન રક્ષામંત્રીના ભાષણથી વિવાદ

વોશિંગ્ટન, 27 ફેબ્રુઆરી: બુધવારે અમેરિકામાં ચક હેગલ રક્ષામંત્રી તરીકેના શપથ લેવા જઇ રહ્યા છે. પરંતુ આની પહેલા જ તેમણે ભારતને કેન્દ્રમાં રાખીને આપેલા ભાષણથી વિવાદ સર્જાયો છે. ઓક્ટોબર 2011માં ચક હેગલે જણાવ્યું હતું કે ભારત અફઘાનિસ્તાનને બીજા મોર્ચાની જેમ ઉપયોગ કરી રહ્યો છે.

હેગલે જણાવ્યું હતું કે ભારત પાકિસ્તાન માટે બીજી સરહદો પર રૂપિયા આપીને સમસ્યા પૈદા કરી રહ્યું છે. 2011માં આપવામાં આવેલ હેગલના આ ભાષણનો વીડિયો મંગળવારે બહાર પાડવામાં આવ્યો.

રસપ્રદ બાબત એ છે કે ઓબામા પ્રશાસને અફઘાનિસ્તાનની મદદ માટે હંમેશા ભારતના વખાણ કર્યા છે. આવામાં ભારતની ભૂમિકા પર સવાલ ઉઠાવનાર હેગલને રક્ષા મંત્રી બનાવવા પર ઘણા સવાલો ઉઠી રહ્યા છે.

બીજી બાજું ભારતે હેગલના આરોપોને અર્થવિહોણા ગણાવ્યા છે. ભારતીય વિદેશ મંત્રાલયે આ અંગે જણાવ્યું છે કે ભારત અફઘાનિસ્તાનમાં રચનાત્મક ભૂમિકા નિભાવતો આવ્યો છે, અને નિભાવતો રહેશે.

English summary

US Defence Secretary nominee Chuck Hagel stirs up controversy, says India used Afghanistan as second front against Pakistan.