ફિનલેન્ડ સરકારે શાહી દંપતિને ભેટ આપ્યા કોન્ડોમ અને બ્રા-પેડ્સ
લંડન, 5 જૂલાઇ: બ્રિટેનના રાજકુમાર વિલિયમ અને તેમની પત્ની કેટ મિડલટનને જો ભેટ આપવાનું વિચારવામાં આવે તો કદાચ વિચારી ન શકાય કે શું આપવું. પરંતુ આ શાહી દંપતિને ફિનલેન્ડ સરકારે અનોખી ભેટ આપી છે. તમે સાંભળીને ચોંકી ઉઠશો કે ફિનલેન્ડ સરકારે વિલિયન અને કેટને પ્રસૂતિ પેકેજ ભેટ તરીકે મોકલ્યા છે કેમાં એક કોન્ડોમનું પેકેટ પણ છે. ફિનલેન્ડ સરકારની આ ખાસ ભેટ હાલમાં ચર્ચામાં છે.
આગળ તમને જણાવી દઇએ કે કેટ અને વિલિયમ પ્રથમ વાર મમ્મી-પપ્પા બનવાના છે. આ વાતને ધ્યાનમાં રાખી ફિનલેન્ડ સરકારે આ શાહી દંપતિને ગિફ્ટમાં બેબી ગુડીઝ મોકલી છે. આ ગિફ્ટ પેકેજમાં કોન્ડોમ ઉપરાંત સ્નોસૂટ, બાથ ટોવેલ, નેપી ક્રીમ, બાળજોની લંગોટ, ફોટો બુક, બ્રા-પેડ્સ અને ટીથીંગ રમકડાં પણ છે.
તો બીજી તરફ એમ માનવામાં આવી રહ્યું છે કે કોન્ડોમ મોકલવા પાછળ ફિનલેન્ડ સરકારનો હેતુ એવો છે કે શાહી દંપતિ બીજા બાળકનું પ્લાન કરતાં પહેલાં એક બ્રેક લે. શાહી દંપતિના પ્રવક્તાએ જણાવ્યું હતું કે ફિનલેન્ડ સરકાર દ્વારા મળેલા ઉપહારથી તે ખૂબ જ ખુશ છે. અત્રે ઉલ્લેખનિય છે કે કેટ અને વિલિયમના લગ્ન પછી આવા સમાચાર ચર્ચામાં રહ્યાં છે. સૌથી વધુ વિવાદ ત્યારે થયો હતો કે કેટના નગ્ન ફોટા સામે આવ્યા હતા.
Click it and Unblock the Notifications
Sign in with Google
