Video: ઘોડાએ સિંહને મારી લાત, પછી થયું કંઇક આવું...

Written By:
Subscribe to Oneindia News

ચીનમાં એક સર્કસના શોમાં એક ચોંકાવનારી ઘટના બની હતી. લોકોના મનોરંજન માટે સર્કસમાં બનાવવામાં આવેલ રિંગ અચાનક લડાઇના અખાડામાં ફેરવાઇ ગઇ હતી. રિંગમાં પરફોર્મ કરી રહેલ ઘોડા, સિંહ અને વાઘ વચ્ચે એવી લડાઇ થઇ કે જોવાવાળા આંચકો ખાઇ ગયા હતા. ઘોડા, સિંહ અને વાઘે સાથે પરફોર્મ કરવાનું હતું, પરંતુ વાત ન જામતા ઘોડાએ સિંહને લાત મારી દીધી અને એ પછી વાઘ અને સિંહે મળીને ઘોડા પર હુમલો કરી દીધો હતો. આ ઘટના ચીનના હેબેઈ પ્રાંત સ્થિત કાંગજાઉ શહેરની છે, જ્યાં તાઈયાંગ સર્કસમાં ઘોડા, સિંહ અને વાઘ સાથે શો પહેલાનું રિહર્લ ચાલી રહ્યું હતું.

Video

રિહર્સલ દરમિયાન ત્રણેય જાનવરો વચ્ચે મેળ સધાતો નહોતો અને એવામાં ઘોડાએ સિંહને લાત મારી દીધી હતી. આ કારણે સિંહ ગુસ્સે ભરાયો અને તેણે ઘોડા પર હુમલો કરી દીધો. સિંહની સાથે જ વાઘ પણ ઘોડા પર તૂટી પડ્યો. બંનેએ ઘોડા પર હુમલો કરતા ઘોડે તેમનાથી છૂટવા રિંગમાં ભાગી રહ્યો હતો, વાઘ પણ ઘોડાની પાછળ હતો અને સિંહે નીચેથી ઘોડાને પકડી રાખ્યો હતો. સર્કસમાં હાજર લોકો પણ ઘોડાને સિંહ અને વાઘથી બચાવવાનો પ્રયત્ન કરી રહ્યા હતા. તેમણે સિંહ અને વાઘને ચાબુકથી ફટકાર્યા બાદ તેમણે ઘોડાને છોડ્યો. ત્યાર બાદ ઘાયલ ઘોડાને સારવાર માટે લઇ જવામાં આવ્યો હતો. આ ઘટનાનો વીડિયો સોશ્યલ મીડિયા પર ખૂબ વાયરલ થઇ રહ્યો છે.

English summary
Lion And Tiger Attack Horse In A Circus In China, Video Had Gone Viral On The Internet.

For Breaking News from Gujarati Oneindia
Get instant news updates throughout the day.