માઇકલ જેક્સને શારીરિક શોષણ માટે રૂમ બહાર એલાર્મ મૂક્યું હતું
રોબ્સને જેક્સનની વિરુદ્ધ વર્ષ 2005માં શારીરિક શોષણના કેસ દરમિયાન પોતાનું શારીરિક શોષણ થયું હોવાની વાતને નકારી કાઢી હતી. તાજેતરમાં તેણે જેક્સનની સંપત્તિમાં હિસ્સાની માંગણી કરીને માઇકલ પર આરોપ લગાવ્યો હતો કે વર્ષ 1990માં જ્યારે તેઓ સાત વર્ષના હતા, ત્યારે માઇકલ જેક્સને તેમનું શારીરિક શોષણ કર્યું હતું.
30 વર્ષના રોબ્સને પોતાની ફરિયાદમાં સુધારો કરીને જણાવ્યું છે કે જ્યારે પણ કોઇ વ્યક્તિ જેક્સનના રૂમથી 30 ફૂટના અંતરે આવતી હતી ત્યારે એલાર્મ વાગવા લાગતું હતું અને કોઇ આવી રહ્યું છે એવી જાણ માઇકલ જેક્સનને થઇ જતી હતી. જેના કારણે માઇકલ જેક્સન ચેતી જતો હતો.
ટીએમઝેડના ના અનુસાર રોબ્સને જણાવ્યું કે જેક્સને પોતાના બેડરૂમની બહાર ડુ નોટ ડિસ્ટર્બનું બોર્ડ પણ લગાવી રાખ્યું હતું. રોબ્સને દાવો કર્યો છે કે તે અને માઇકલ જેક્સને અનેકવાર સહશયન કર્યું છે. સહશયન સમયે પોપસ્ટાર તેમને અશ્લીલ વિડિયો દેખાડ્યા કરતા હતા.
રોબ્સને એમ પણ જણાવ્યું કે માઇકલ જેક્સને તેમને કહ્યું હતું કે તેઓ એક બીજાને ઘણો પ્રેમ કરે છે. પણ તેમની આ વાત કોઇ સમજી શકશે નહીં. આ કારણે તેમણે પોતાનું મોઢું બંધ રાખવાની જરૂર છે. રોબ્સને જણાવ્યું કે વર્ષ 2005માં તેમણે જેક્સનના પક્ષમાં એટલા માટે ગવાહી આપી હતી કારણ કે જેક્સને તેમનું બ્રેઇનવૉશ કરી દીધું હતું.
Click it and Unblock the Notifications
Sign in with Google
