ઇઝરાયેલમાં લોહીની નદીઓ વહેવડાવવાની તૈયારીમાં મુસ્લિમ દેશો, ચારે બાજુથી ઘેરીને ઇઝરાયેલ ઘાતક હુમલાની તૈયારી
ઇઝરાયેલના ગાઝા પર વળતા હુમલા બાદ મુસ્લિમ દેશો હમાસના સમર્થનમાં આવી રહ્યા છે. અહેવાલોનું માનીએ તો હવે ઇઝરાયેલ પર ચારે તરફથી હુમલા થવા જઈ રહ્યા છે.
દિવસે દિવસે ઈરાન ખુલ્લીને હમાસના સમર્થનમાં આવી રહ્યા છે. હાલમાં જ ઈરાન ટેલિવિઝને ઇઝરાયેલ સામે હુમલાની યોજનાઓ શેર કરે છે.
આ અહેવાલ અનુસાર, ઈરાક અને સીરિયાના શિયા મિલિશિયા, લેબનોનમાંથી હિઝબુલ્લાહ અને યમનમાં હુતી બળવાખોરો એક સાથે હુમલો કરશે. આ હુમલામાં મિસાઈલ ફાયર અને ડ્રોન એટેક સામેલ હશે.
ઈરાનના વડા આયાતુલ્લાહ ખામેનીએ ટીવી પર કહ્યું કે, 'પ્રતિરોધક દળોને કોઈ રોકશે નહીં. ઈરાન દાવો કરે છે કે હુતી બળવાખોરો પાસે 2000 કિલોમીટરની રેન્જવાળી મિસાઈલો છે અને હિઝબુલ્લાહ પાસે અદ્યતન રોકેટ છે, જે તેલ અવીવને નિશાન બનાવવા માટે સક્ષમ છે.
આ અહેવાલમાં એમ પણ કહેવામાં આવ્યું છે કે, ઈરાન તરફી ઈરાકી મિલિશિયા ગોલાન હાઈટ્સના સીરિયન ભાગમાં ભેગા થયા છે. જો ગાઝા પર ઇઝરાયેલના હુમલા રોકવાની માંગને નજરઅંદાજ કરવામાં આવશે તો હુમલા જલ્દી શરૂ થશે.
આ પ્લાન બાદ ઇઝરાયેલ પર હુતી દ્વારા ક્રુઝ મિસાઈલ અને ઘણા ડ્રોનથી હુમલો કરવામાં આવ્યા હોવાના અહેવાલ છે. જો કે તેને તોડી પડાયા હતા. પેન્ટાગોને કહ્યું, અમે ચોક્કસ કહી શકતા નથી કે આ મિસાઇલો અને ડ્રોન કયા લક્ષ્યોને નિશાન બનાવી રહ્યા હતા, પરંતુ તે યમનથી લાલ સમુદ્રની ઉત્તર તરફ પ્રક્ષેપિત કરવામાં આવ્યા હતા, સંભવતઃ ઇઝરાયેલ તરફ જઈ રહ્યા હતા.
પેન્ટાગોનના પ્રવક્તા જનરલ પેટ્રિક રાયડરે જણાવ્યું કે, છેલ્લા ત્રણ દિવસમાં ઇરાક અને સીરિયામાં અમેરિકી સૈનિકો સામે ડ્રોન હુમલા વચ્ચે યમનમાં ઇરાન તરફી હુતી બળવાખોરો દ્વારા મિસાઇલો અને ડ્રોન છોડવામાં આવ્યા છે.
આ ઘટનાઓ એ જોખમને રેખાંકિત કરે છે કે ઇઝરાયેલ અને પેલેસ્ટિનિયન જૂથ હમાસ વચ્ચેનો સંઘર્ષ વ્યાપક યુદ્ધમાં પરિણમી શકે છે.
Click it and Unblock the Notifications
Sign in with Google
