Video: દિવાળીમાં આકાશમાંથી કંઇક આવું દેખાતું હતું ભારત

Updated: Thursday, December 6, 2012, 20:15 [IST]

નાસાએ ગુરૂવારે અવકાશમાંથી લીધેલી પૃથ્વીની તસવીરો પ્રકાશિત કરી છે. આ તસવીરો અને વીડિયો રાત્રે લીધેલા છે, જે દર્શાવે છે કે રાતના સમયે આપણી પૃથ્વી કેટલી સુંદર દેખાઇ રહી છે.

નાસાએ રીલિઝ કરેલી આ તસવીરો ભારતીય કેલેન્ડર પ્રમાણે દિવાળીની રાત્રે સેટેલાઇટ દ્વારા કેપ્ચર કરવામાં આવી હતી. નાસાએ ભારતની આ તસરવીર રીલિઝ કરીને સોશિયલ મીડિયા પર ફરથી થયેલી તસવીરોને ખોટી સાબિત કરી દીધી છે. દિવાળીના દિવસની તસવીરમાં ભારત ખુબ જ સુંદર દેખાઇ આવે છે જાણે કે તારાઓ ભારતમાં ઉતરી આવ્યા હોય તેવી પ્રતિતિ થાય છે.

નાસાએ જણાવ્યું હતુ કે સૌમી એપીપી સેટેલાઇટ પરની વિઝિબલ ઇન્ફ્રારેડ ઇમેજીંગ રેડિયોમેટર સુઇટ (VIIRS) દ્વારા કેપ્ચર કરવામાં આવેલી દક્ષિણ એશિયાની આ ઇમેજ ભારતીય તહેવાર દિવાળીની રાત્રે લેવામાં આવી હતી. તેમણે જણાવ્યુ હતું કે ભારતમાં 1.2 બિલિયન જેટલી વસ્તી ધરાવતો દેશ છે જેમા 30 મોટા શહેરો છે જેમની વસ્તી 1 મિલિયનથી વધારે છે. જેના કારણે પ્રકાશિત વિસ્તાર ઇન્ફ્રારેડના કારણે વધુ પ્રકાશિત દેખાય છે. આ સુંદર દ્રશ્યોને જુઓ વીડિયોમાં પણ...