કરોડોમાં વેંચાઇ પિકાસોની પેન્ટિંગ

લંડન, 7 ફેબ્રુઆરીઃ પેન્ટિંગ અને ચિત્રકળાના ચાહકો દ્વારા પોતાની આંખોને ગમી જતી અને મનને પસંદ પડી જતી પેન્ટિંગને મેળવવા માટે તેમની ગમે તેટલી કિંમત ચૂકવવા તૈયાર થઇ જતા હોય છે. તેમાં પણ કોઇ જાણિતા પેઇન્ટરની પેન્ટિંગ હોય તો તો તેની કિંમત કરોડોમાં આંકવામાં આવતી હોય છે. આવી જ એક પેન્ટિંગ કે જે પાબ્લો પિકાસો દ્વારા તૈયાર કરવામા આવી છે તેને કરોડો રૂપિયા ખર્ચીને એક પેન્ટિંગ ચાહક દ્વારા ખરીદવામાં આવી છે.

પાબ્લો પિકાસો દ્વારા 1932માં પોતાની પ્રેમિકા મૈરી-થેરેસે વોલ્ટર બનાવવામા આવેલી પેન્ટિંગ મંગળવારે સાઉથબાઇઝ ઓફ લંડનમાં 4.49 કરોડ ડોલરમાં વેચાઇ છે. સમાચાર એજન્સી ઇએફઇના જણાવ્યા પ્રમાણે, 'ફેમે એસી પ્રેસ ડ્યુન ફેનેટ્રે' શિર્ષક હેઠળની આ પેન્ટિંગની હરાજી લંડનમાં યોજવામાં આવી હતી.

હરાજીની શરુઆત પહેલાં આ પેન્ટિંગની કિંમત 3.92 કરોડ ડોલરથી 5.5 કરોડ ડોલર આંકવામાં આવી રહી હતી. આ પેન્ટિંગ 1997માં 75 લાખ ડોલરમાં વેચાઇ હતી. પિકાસોએ મેરીની 17 વર્ષની અવસ્થમાં પેરિસના રસ્તાઓ પર જોઇ હતી અને વિવાહિત હોવા છતા પિકાસોએ આ મહિલા સાથે પ્રેમ સંબંધો બાંધ્યા હતા.

English summary

A Picasso painting of his muse has fetched 28.6 million pounds at a London auction. Picasso first met his muse in Paris in 1927, when she was 17 years old, and the pair subsequently became lovers.