નેપાળના નવા રાષ્ટ્રપતિ બન્યા રામ ચંદ્ર પૌડેલ, વામપંજી પાર્ટીઓ વચ્ચે અણબનાવનો કોંગ્રેસે ઉઠાવ્યો ફાયદો
સંસદના લોત્સે હોલમાં રાષ્ટ્રપતિ પદ માટે મતદાન થયું હતું. ચૂંટણી પંચના અધિકારીઓના જણાવ્યા અનુસાર અહીં સંસદ ભવનમાં ગુરુવારે સવારે 10 વાગ્યાથી બપોરે 3 વાગ્યા સુધી મતદાન થયું હતું. આ પછી પરિણામ જાહેર કરવામાં આવ્યું હતું.
રામ ચંદ્ર પૌડેલ નેપાળના નવા રાષ્ટ્રપતિ તરીકે ચૂંટાયા છે. નેપાળી કોંગ્રેસના ઉમેદવાર રામ ચંદ્ર પૌડેલે સુભાષ ચંદ્ર નેમ્બાંગને હરાવ્યા છે. માહિતી આપતાં નેપાળના ચૂંટણી કમિશનરે જણાવ્યું કે પૌડેલે 33,802 ઈલેક્ટોરલ વોટ મેળવ્યા, જ્યારે તેમના હરીફ સુભાષ ચંદ્ર નેમ્બાંગે 15,518 ઈલેક્ટોરલ વોટ મેળવ્યા. સુભાષ ચંદ્ર નેમ્બાંગ કેપી શર્મા ઓલીની પાર્ટી યુનિફાઇડ માર્ક્સિસ્ટ લેનિનિસ્ટ (CPN-UML)ના ઉમેદવાર હતા. વર્તમાન રાષ્ટ્રપતિ વિદ્યા દેવી ભંડારીનો કાર્યકાળ 12 માર્ચે પૂરો થઈ રહ્યો છે.
કેપી શર્માએ સમર્થન પાછું ખેંચ્યું
ભૂતપૂર્વ વડા પ્રધાન કેપી શર્માની આગેવાની હેઠળની સીપીએન-યુએમએલએ રાષ્ટ્રપતિની ચૂંટણીમાં રામ ચંદ્ર પૌડેલને સમર્થન આપવા અંગેના રાજકીય વિવાદને પગલે વર્તમાન સરકારને ટેકો પાછો ખેંચી લીધો હતો. કેપી શર્મા ઓલીની સીપીએન-યુએમએલ નેપાળમાં બીજી સૌથી મોટી પાર્ટી છે. નેપાળી કોંગ્રેસના ઉમેદવાર અને પક્ષના વરિષ્ઠ નેતા રામ ચંદ્ર પૌડેલને આઠ પક્ષોએ ટેકો આપ્યો હતો. જેમાં વડાપ્રધાન પ્રચંડની પાર્ટી પણ સામેલ હતી. જ્યારે સીપીએન-યુએમએલના ઉમેદવાર સુભાષ ચંદ્ર નેમ્બાંગ તેમના પોતાના પક્ષ સિવાય માત્ર અપક્ષ ઉમેદવારોને સમર્થન આપે તેવી અપેક્ષા હતી.
પોતાના વાયદાથી પલટ્યા પ્રચંડ
તમને જણાવી દઈએ કે નેપાળમાં નવી સરકારની રચના બાદથી જ વડાપ્રધાન દહલની કોમ્યુનિસ્ટ પાર્ટી ઓફ નેપાળ (માઓવાદી કેન્દ્ર) અને પૂર્વ વડાપ્રધાન કેપી શર્મા ઓલીની કોમ્યુનિસ્ટ પાર્ટી ઓફ નેપાળ (યુએમએલ) વચ્ચે રાષ્ટ્રપતિના નામ પર મતભેદો ચાલુ છે. દહલ આગામી પ્રમુખ માટે નવી સર્વસંમતિ બનાવવા માટે દબાણ કરી રહ્યા હતા, જ્યારે UML તેમને ગત 25મી ડિસેમ્બરે મળેલી સર્વસંમતિને વળગી રહેવા માટે કહી રહ્યું હતું. નવા શાસક ગઠબંધનની રચના 25 ડિસેમ્બરે કરવામાં આવી હતી. ત્યારે નક્કી થયું કે યુએમએલને પ્રમુખ પદ મળશે. જો કે, વડાપ્રધાન દહલે પોતાના હિતમાં આ કરારથી પીછેહઠ કરી હતી. વિરોધ પક્ષ નેપાળી કોંગ્રેસે તેનો ફાયદો ઉઠાવ્યો અને હવે તે પોતાના ઉમેદવાર નેપાળના રાષ્ટ્રપતિ બનાવવામાં સફળ રહી છે.
Click it and Unblock the Notifications
Sign in with Google
