દુબઇમાં તાજ અરબિયાના નામે બની રહી છે તાજ મહેલની રેપ્લિકા

દુબઇ, 03 ઑક્ટોબરઃ વિશ્વની આઠ અજયાબીઓમાંની એક એવા ભારતના તાજ મહેલની રેપ્લિકા દુબઇમાં નિર્માણ પામવા જઇ રહી છે. તાજ અરબિયા નામની આ ઇમારત તાજ મહેલ કરતા ચાર ગણી મોટી હશે તેમ આ પ્રોજેક્ટ શરૂ કરનાર કંપનીનું કહેવું છે.

સીટીસ્કેપ ગ્લોબર 2012ની ઇવેન્ટમાં કંપનીએ કહ્યું છે કે, તાજ અરબિયા લીલોછમ બગીચો હશે જે મુઘલકાળના બગીચાઓને મળતાં આવશે. આ ઇમારતમાં હાઉસ એપાર્ટમેન્ટ, શોપિંગ મોલ અને લગ્ન સામગ્રી વેંચતી દૂકાનો બનાવવામાં આવશે. તેમજ આ પ્રોજેક્ટને 'ધ વર્લ્ડ ઇન અ સિટી નામ આપવામાં આવ્યું છે.'

આશા છે કે આ ઇમારતનો સમાવેશ પણ વિશ્વની કેટલીક ઐતિહાસિક ઇમારતમાં કરવામાં આવશે. જેવી કે, પિરમીડ, બેબીલોનના હેન્ગિંગ ગાર્ડન્સ, એફિલ ટાવર, તાજ મહેલ, ચીનની દીવાલ, લીનિંગ ટાવર ઓફ પિસા. કંપનીને આશા છે કે આ બિલ્ડિંગ લગ્નપ્રંસગો માટે દુબઇમાં રહેતા ભારતીયોને આકર્ષી શકશે.

English summary

A replica of Taj Mahal, Taj Arabia, several times bigger than India's architectural marvel, will be a part the Falconcity of Wonders (FCW) - a multi-purpose project being developed here.