વિજ્ઞાનીઓએ કરોળિયાના જાળામાંથી બનાવી નેનો ટ્યુબ
વૉશિંગ્ટન, 17 સપ્ટેમ્બર : તાજેતરમાં થયેલા એક રસપ્રદ સંશોધનમાંથી જાણી શકાયું છે કે કરોળિયાના જાળામાંથી બનેલી નેનો ટ્યુબમાંથી વીજળી પસાર કરી શકાય છે. ફ્લોરિડા યુનિવર્સિટીના વિજ્ઞાની ઈડન સ્ટીવને કરોડિયાના જાળા અને કાર્બન નેનો ટ્યુબ પર કરેલા સંશોધનના આશ્ચર્યજનક પરિણામો મળ્યા છે.
નેચર કોમ્યૂનિકેશનમાં ઓનલાઇન પ્રકાશિત થયેલા આ સંશોધન પ્રમાણે નેનો ટ્યૂબને કાર્બનની એક પરમાણુ આકારની જાડાઈ વાળી ચાદર તરીકે સમજી શકાય છે, જેને ગોળ વાળીને એક નળી તૈયાર કરાઈ છે. આ નેનોટ્યૂબની જાડાઈ મનુષ્યના વાળથી પણ 10 હજાર ગણી ઓછી હોય છે. વૈજ્ઞાનિકોના મતે જ્યારે કોઈ વસ્તુ આટલી સૂક્ષ્મ હોય ત્યારે તે અજીબ રીતે વર્તે છે.
સ્ટીવનના મતે આ નવા સંશોધનનો અનેક જગ્યા પર ઉપયોગ કરી શકાશે. હ્યુમિડિટી સેંસર, સ્ટ્રેન સેંસર, વજન ઉપાડવા તેમજ વીજળીના તારની જેમ તેનો ઉપયોગ કરી શકાશે.
Click it and Unblock the Notifications
Sign in with Google
