તાલિબાનોના આતંકવાદીઓએ કાબુલના અમ્યુઝમેન્ટ પાર્કમાં મસ્તી કર્યા બાદ લગાવી દીધી આગ, જુઓ વીડિયો
અફઘાનિસ્તાન અધિગ્રહણ બાદ તાલિબાનના આતંકવાદીઓએ કાબુલના એક અમ્યુઝમેન્ટ પાર્કમાં આગ લગાવીને સ્વાહા કરી દીધુ છે.
કાબુલઃ અફઘાનિસ્તાન પર તાલિબાને કબજો જમાવી લીધો છે. અફઘાનિસ્તાન અધિગ્રહણ બાદ તાલિબાનના આતંકવાદીઓએ કાબુલના એક અમ્યુઝમેન્ટ પાર્કમાં આગ લગાવીને સ્વાહા કરી દીધુ છે. આ એ જ પાર્ક છે જેમાં પર કબજા બાદ તાલિબાન લડાકુઓનો બંપર કારોની સવારી કરતો અને મસ્તી કરતો વીડિયો વાયરલ થયો હતો. વળી, હવે જે બીજો નવો વીડિયો સામે આવ્યો છે જેમાં દેખાઈ રહ્યુ છે કે તેને તાલિબાનોએ આગના હવાલે કરી દીધુ છે. જે વીડિયો સામે આવ્યો છે તેમાં આ પાર્ક આગની લપેટોમાં રાખ થતુ દેખાઈ રહ્યુ છે.
તમને જણાવી દઈએ કે અફઘાનિસ્તાનની રાજધાની કાબુલ પર કબજો કર્યા બાદ તાલિબાન લડાકુઓ મનોરંજન પાર્કમાં સવારીનો આનંદ લેતા દેખાયા. તાલિબાન આતંકીવાદીઓનો આ ચોંકાવનારો વીડિયો સોશિયલ મીડિયા પર જોરદાર વાયરલ થયો હતો. જેમાં તાલિબાની લડાકુઓ હાથમાં હથિયાર લઈને ઈલેક્ટ્રીક કારોની સવારી કરતા દેખાયા હતા. અમુક બંપર કારો પરસ્પર ટકરાઈ રહી હતી તો અમુક સવારી કરીને મસ્તી કરતા જોવા મળ્યા હતા.
સોશિયલ મીડિયા પર વાયરલ થઈ રહેલા લેટેસ્ટ વીડિયોમાં એક આખુ મનોરંજન પાર્ક રાતે આખા વિસ્તારમાં આગની લપેટોથી સળગતુ દેખાઈ રહ્યુ છે. વીડિયો શેર કરનાર એક ટ્વિટર ઉપયોગકર્તાએ દાવો કર્યો છે કે આ ક્લિપ શેબરઘનના બોખડી મનોરંજન પાર્કની છે. ટ્વિટર યુઝરે આગળ કહ્યુ કે મનોરંજન પાર્કને સળગાવવા માટે તાલિબાન દ્વારા ઉદ્ધત કારણ એ છે કે પાર્કની અંદર મૂર્તિઓ છે જે ઈસ્લામી પ્રથાઓની વિરુદ્ધ છે.
અફઘાનિસ્તાન અને ખાસ કરીને કાબુલથી આવતા વીડિયો અને ફોટા દેશને અરાજકતા તરફ ધકેલતા દેખાય છે. જ્યારે તાલિબાને પોતાના હુમલાના સપ્તાહની અંદર સત્તા પર કબજો કરી લીધો અને રાષ્ટ્રપતિ અશરફ ગની દેશમાંથી ભાગી ગયા. રવિવારે તાલિબાનના કાબુલમાં પ્રવેશ કર્યા બાદ હતાશ અફઘાનોએ વિદ્રોહીઓના કટ્ટરપંથી શાસનથી બચવા માટે અંતિમ પ્રયત્નો કર્યા અને સોમવારે કાબુલ એરપોર્ટ પર પહોંચ્યા. કાબુલ એરપોર્ટ પર બધુ અસ્ત-વ્યસ્ત થઈ ગયુ કારણકે હજારો લોકએ અમુક ઉડાનોમાં સવાર થવાની કોશિશ કરી જે હજુ પણ ચાલુ છે.
The Bokhdi Amusement Park was set on fire by Taliban insurgents in Begha, Sheberghan. The reason is that the statues/idols standing there are in Public access Idols are illegal in Islam, This is the logic of the Taliban's brutal emirate. The homeland is occupied.#Afghanistan pic.twitter.com/MBuYsQQbxk
— Ihtesham Afghan (@IhteshamAfghan) August 17, 2021