ઉબેર પર આરોપ, ડ્રાઈવરો સાથે દગો કરી દર વર્ષે 500 મિલિયન ડોલર કમાણી કરી રહી છે

કેબ સેવા આપતી અમેરિકી કંપની ઉબેર ડ્રાઈવરોને કંપનીના કર્મચારી નહીં ગણાવીને દર વર્ષે 500 મિલિયન ડોલર કરતા પણ વધારે બચત કરે છે. ઉબેર કેલિફોર્નિયા પોતાના ડ્રાઈવરોને સ્વતંત્ર કોન્ટરેક્ટર ગણાવીને આવું કરી રહી છે. ઉબેર આવું કરીને ડ્રાઈવરોને દરેક કલાકના લગભગ એવરેજ 9.07 ડોલર આપવાથી બચી રહી છે, જે તેમને ડ્રાઈવરોને આપવા પડશે.

સેન ફ્રાન્સિસ્કોની સૌથી મોટી અદાલતમાં આ મામલે કેસ દાખલ કરવામાં આવ્યો છે. ફરિયાદમાં એવું જણાવવામાં આવ્યું છે કે કંપની કોર્ટ ઘ્વારા જાહેર કરવામાં આવેલા નિયમો પણ તોડી રહી છે. ફરિયાદમાં જણાવવામાં આવ્યું છે કે કંપની પોતાના ડ્રાઈવરોને કર્મચારી નહીં ગણાવીને તેમનો હક ખાઈ રહી છે. તેની સાથે સાથે કંપની મોટી રકમ પણ બચાવી રહી છે.

English summary

Uber accused of saving 500 million dollar a year by cheating drivers