અમેરિકાના F-16એ તુર્કીના ડ્રોનને સીરિયામાં તોડી પાડ્યુ

અમેરિકાએ સીરિયામાં તુર્કીનું એક ડ્રોન તોડી પાડ્યું છે. પેન્ટાગોને માહિતી આપી છે કે આ ડ્રોન સીરિયામાં અમેરિકન સૈનિકો માટે ખતરો બની શકે છે, જેના કારણે આ કાર્યવાહી કરવામાં આવી છે.

રિપોર્ટ અનુસાર અમેરિકાના F-16 ફાઈટર પ્લેને ગુરુવારે નાટો સહયોગી તુર્કીના ડ્રોનને તોડી પાડ્યું હતું. પેન્ટાગોને કહ્યું કે આ ડ્રોન સીરિયામાં અમેરિકન સૈનિકો માટે ખતરો બની શકે છે.

તુર્કીના સંરક્ષણ મંત્રાલયે કહ્યું છે કે અમેરિકાએ જે ડ્રોન તોડી પાડ્યું છે તે તુર્કી સેનાનું નથી. જો કે તુર્કી તરફથી એ સ્પષ્ટ કરવામાં આવ્યું નથી કે તે કોનું ડ્રોન હતું.

તુર્કીની નેશનલ ઈન્ટેલિજન્સ એજન્સી સીરિયામાં કુર્દિશ લડવૈયાઓને સતત નિશાન બનાવી રહી છે. અંકારામાં ગયા અઠવાડિયે બૉમ્બ બ્લાસ્ટ થયો હતો, જે બાદ તુર્કી સતત કુર્દિશ લડવૈયાઓ પર હુમલા કરી રહ્યું છે.

ગુરુવારે, તુર્કી દળોએ ઉત્તર સીરિયામાં 30 કુર્દિશ લડવૈયાઓને મારી નાખ્યા. પેન્ટાગોનના પ્રવક્તા બ્રિગેડિયર જનરલ પેટ રાયડરે જણાવ્યું હતું કે તુર્કી ડ્રોનને સીરિયાના હસ્કાહમાં હુમલો કરતા જોવામાં આવ્યું હતું, જે અમેરિકી સૈનિકોથી લગભગ 1 કિલોમીટર દૂર થઈ રહ્યું છે.

થોડા કલાકો પછી, તુર્કી ડ્રોનને અમેરિકન સૈનિકોથી લગભગ 500 મીટર દૂર એફ-16 દ્વારા તોડી પાડવામાં આવ્યું કારણ કે તે અમેરિકન સૈનિકો માટે જોખમી બની શકે છે. રાયડરે પત્રકારોને જણાવ્યું હતું કે અમને એવા કોઈ સંકેત મળ્યા નથી કે તુર્કી જાણી જોઈને અમેરિકન સૈનિકોને નિશાન બનાવી રહ્યું છે.

English summary

US Jet shot down Turkish drone in Syria says Pentagon