માઈક પોંપેયો બોલ્યા- ચીને જાણીજોઈને કોરોના જીવલેણ હોવાની વાત છૂપાવી

વૉશિંગ્ટનઃ અમેરિકાના વિદેશ મંત્રી માઈક પોંપેયોએ કહ્યું કે ચીને જાણીજોઈ કોરોના વાયરસની ગંભીરતા છૂપાવી છે. તેમણે પ્રેસિડેન્ટ ડોનાલ્ડ ટ્રમ્પના એવા દાવાને ઉત્તેજન આપ્યું છે જેમાં કહેવામાં આવ્યું હતું કે કોવિડ 19 વાયરસ કેટલો જીવલેણ છે તે વાત છૂપાવવાની ચીને કોશિશ. પ્રશાસને એમ પણ કહ્યું કે ચીને મહામારીની ગંભીરતાને છૂપાવી છે સાથે જ મેડિકલ સપ્લાઈનો સંગ્રહ કરી લીધો.

ચીનને સજા આપવા તરફ આગળ વધી રહ્યા છે ટ્રમ્પ

પોંપેયોએ રવિવારે એબીસી ન્યૂજના 'ધીસ વિક'ને આપેલા ઈન્ટર્વ્યૂમાં આ વાત કહી. જ્યારે તેમને પૂછવામાં આવ્યું કે શું ચીને જાણીજોઈ શરૂઆતમાં જ મેડિકલ સપ્લાયનો સંગ્રહ કરી રાખ્યો અને કોવિડ 19ની ગંભીરતાને છૂપાવી હતી? જેના પોંપેયોએ કહ્યું કે, તમે એકદમ સાચી વાત કહી છે. દુનિયાને સમયસર ખબર ના પડે તે માટે ચીનની કોમ્યુનિસ્ટ પાર્ટીએ બની શકે તે બધું જ સુનિશ્ચિત કર્યું. પોંપેયો તરફથી આ નિવેદન એવા સમયે આવ્યું છે જ્યારે ટ્રમ્પ પ્રશાસન ચીનને સજા આપવાના પ્લાનને આગળ ધપાવી રહ્યું છે. માનવામાં આવી રહ્યું છે કે આગામી દિવસોમાં હવે બંને દેશોના સંબંધમાં કડવાહટ આવી શકે છે. સીએનએને ટ્રમ્પ પ્રશાસનના સૂત્રોના હવાલેથી જણાવ્યું કે કેટલાય વિકલ્પો પર વિચાર ચાલી રહ્યો છે જેમાં પ્રતિબંધોને લઈ અમેરિકી લોનની માન્યતા અને નવી ટ્રેડ પોલિસીનું નિર્ધારણ કરવું પણ સામેલ છે. સૂત્રો મુજબ અમેરિકા ચીન અને બીજા દેશોને આ સંદેશ આપવા માંગે છે કે તેમણે પોતાની જવાબદારી સમજવી પડશે.

English summary

US secretary of State Mike Pompeo says China intentionally concealed Coronavirus severity.