કેમ સૌથી ખતરનાક છે રશિયાની Sarmat missile, શા માટે તેને પુતિને અપરાજીત કહીં?

યુક્રેન યુદ્ધ દરમિયાન રશિયાએ એક આંતર-મહાદ્રીપીય મિસાઈલનું પરીક્ષણ કર્યું છે જે પૃથ્વી પર ગમે ત્યાં તબાહી મચાવી શકે છે. એક સાથે 15 પરમાણુ બોમ્બ ફેંકવામાં સક્ષમ આ મિસાઈલ ફ્રાન્સ અને બ્રિટનને એક જ હુમલામાં તબાહ કરી શકે છે.

મોસ્કો, 21 એપ્રિલ : યુક્રેન યુદ્ધ દરમિયાન રશિયાએ એક આંતર-મહાદ્રીપીય મિસાઈલનું પરીક્ષણ કર્યું છે જે પૃથ્વી પર ગમે ત્યાં તબાહી મચાવી શકે છે. એક સાથે 15 પરમાણુ બોમ્બ ફેંકવામાં સક્ષમ આ મિસાઈલ ફ્રાન્સ અને બ્રિટનને એક જ હુમલામાં તબાહ કરી શકે છે અને અમેરિકાના કોઈપણ મોટા પ્રાંતના અસ્તિત્વને પણ નષ્ટ કરી શકે છે. રશિયાના રાષ્ટ્રપતિ વ્લાદિમીર પુતિને આ કારણથી તેને 'અજેય' ગણાવી છે. પુતિનના નિર્ણયથી યુએસ તણાવમાં છે, કારણ કે તેણે તેની આંતર-મહાદ્વીપીય બેલેસ્ટિક મિસાઈલનું પરીક્ષણ તંગ વાતાવરણને કારણે સ્થિતિ વધુ વણસે નહીં એટલે મોકૂફ રાખ્યું છે.મોકૂફ રાખ્યું છે. પરંતુ પુતિન તેની યોજનામાં જરા પણ ડગ્યા નહીં અને તેણે જે કરવાનું હતું તે કર્યું.

વિશ્વની સૌથી શક્તિશાળી મિસાઈલ

યુક્રેન પર રશિયાના હુમલાના લગભગ બે મહિના પછી વ્લાદિમીર પુતિને બુધવારે આ મિસાઇલના પરીક્ષણની જાહેરાત કરી હતી, જે પરમાણુ શસ્ત્રો છોડવામાં સક્ષમ ઇન્ટરકોન્ટિનેન્ટલ બેલિસ્ટિક મિસાઇલ છે. રશિયાના રાષ્ટ્રપતિએ દાવો કર્યો છે કે તેમનું આ હથિયાર રશિયાને ધમકી આપવાનો પ્રયાસ કરનારાઓને વિચારતા કરી દેશે. જ્યારે રશિયન સંરક્ષણ મંત્રાલયે દાવો કર્યો છે કે આ ઇન્ટરકોન્ટિનેન્ટલ મિસાઇલ 'વિશ્વની સૌથી શક્તિશાળી' મિસાઇલ છે. આ એવા સમયે આવી છે જ્યારે રશિયા યુક્રેન પર હુમલો કરવા માટે વિશ્વના નિશાના પર છે, આ મિસાઈલનું પરીક્ષણ કરીને પુતિને કહ્યું છે કે તેમનો ઈરાદો નબળો પડવાનો નથી અને તે કોઈપણ હદ સુધી જવા માટે તૈયાર છે.

એકસાથે 15 વોરહેડ્સ લઈ જવાની ક્ષમતા

ઇન્ટરકોન્ટિનેન્ટલ મિસાઇલ ઉત્તર-પશ્ચિમ રશિયાથી લોન્ચ કરવામાં આવી હતી, તે સમગ્ર રશિયામાંથી પસાર થઈ હતી અને માત્ર 15 મિનિટમાં લગભગ 6,000 કિમી દૂર જાપાન નજીકના કામચાટકા દ્વીપકલ્પ નજીક તેના લક્ષ્યને હિટ કરવામાં સફળ રહી હતી. મિસાઈલનું વજન 200 ટનથી વધુ છે અને કહેવાય છે કે તે એક સમયે 15 જેટલા વોરહેડ્સ લઈ જવા માટે સક્ષમ છે. પરમાણુ હથિયાર લઈ જવામાં સક્ષમ સરમત મિસાઈલની રેન્જ 18,000 કિમી છે. તે 35.3 મીટર લાંબી અને 3 મીટર પહોળી છે.

પુતિને મિસાઈલને અજેય ગણાવી

રશિયાની આ મિસાઈલ સામે તમામ પ્રકારની મિસાઈલ વિરોધી સંરક્ષણ પ્રણાલી નિષ્ફળ જાય છે અને તે ફ્રાન્સ, બ્રિટન કે અમેરિકાના ટેક્સાસ જેવા રાજ્યને એક જ હુમલાથી નષ્ટ કરી શકે છે. આ મિસાઈલના પ્રક્ષેપણનો એક વીડિયો છે, જેમાં તેને ભૂગર્ભ સાઈલોમાંથી જ્વાળાઓ દ્વારા છોડવામાં આવી રહી છે. તે રશિયાની બીજી પેઢીની મિસાઈલ છે, જેને પુતિને 'અજેય' ગણાવી છે, એક જ હુમલામાં 15 પરમાણુ શસ્ત્રો છોડવામાં સક્ષમ આ હાઈપરસોનિક મિસાઈલ છે. પુતિનના દાવા મુજબ આ મિસાઈલ પૃથ્વી પરના કોઈપણ ટાર્ગેટને નિશાન બનાવી શકે છે.

Russia test-fires intercontinental ballistic missile days after Pentagon scraps own ICBM test over fears of escalating tensions with Moscowpic.twitter.com/3EzZ1O9T7P

— Lucas Tomlinson (@LucasFoxNews) April 20, 2022

આ મિસાઈલ નહીં તબાહી છે

રશિયાના સંરક્ષણ મંત્રાલયના નિવેદનમાં કહેવામાં આવ્યું છે કે, "સરમત વિશ્વના સૌથી લાંબા અંતરના લક્ષ્યોને નષ્ટ કરવામાં સક્ષમ સૌથી શક્તિશાળી મિસાઈલ છે, જે દેશની વ્યૂહાત્મક પરમાણુ દળોની લડાયક ક્ષમતામાં નોંધપાત્ર વધારો કરશે." સરમતની એક જ વારમાં 15 પરમાણુ બોમ્બ ફેંકવાની ક્ષમતાની વાત કરીએ તો તેની શક્તિનો અંદાજ એ હકીકત પરથી લગાવી શકાય છે કે રશિયા પાસે રહેલા પરમાણુ બોમ્બ હિરોશિમા અને નાગાસાકી પર ફેંકવામાં આવેલા પરમાણુ બોમ્બ કરતા 1000 ગણા વધુ શક્તિશાળી છે.

અમેરિકા જોતું રહ્યું અને પુતિને કર્યું

યુએસ ડિફેન્સ હેડક્વાર્ટર પેન્ટાગોનનું કવરેજ કરી રહેલા પત્રકાર લુકાસ ટોમલિન્સને ટ્વિટર પર સરમતના પરીક્ષણનો એક વિડિયો શેર કર્યો અને લખ્યું, "મોસ્કો સાથે તણાવ વધવાના ડરથી પેન્ટાગોને તેના ICBM પરીક્ષણો અટકાવ્યાના થોડા દિવસો પછી, રશિયાએ ઇન્ટરકોન્ટિનેન્ટલ બેલિસ્ટિક મિસાઇલનું પરીક્ષણ કર્યું છે.

English summary

Why Russia's Sarmat missile is the most dangerous, why call it Putin undefeated?